بۇل - بەس جىل قاتارىنان كەنشىلەردىڭ مادەنيەت سارايىنىڭ الدىندا وتكىزىلىپ كەلە جاتقان ءداستۇرلى مەيرام. «ويلاپ تاپ، جاسا، الىپ كەل!» ۇرانى شارانىڭ وتكىزىلەتىن ورنى سياقتى جىلدان-جىلعا وزگەرىسسىز قالۋدا.
«شەرۋگە قاتىسۋ ءۇشىن اتا- انالار بالاسىنىڭ ارباسىن ەرەكشە ەتىپ بەزەندىرىپ، ونىمەن مەيرامعا كەلۋلەرى كەرەك»، - دەيدى كەنشىلەر مادەنيەت سارايىنىڭ بالالار مەيرامى جونىندەگى مامانى ەركەناز ايتايبايەۆا.
ادەتتە شەرۋدە ەرەكشە بەزەندىرىلگەن 10 عا جۋىق اربالار كورسەتىلەدى. كەيبىر وتباسىلار وزدەرىنە قوسىمشا كوستيۋم تىكتىرەدى. مىسالى، الدىڭعى جىلى ۇلدارىمەن بىرگە ەجەلگى گرەك ستيلىندە كيىنگەن انا كوپتىڭ نازارىن وزىنە اۋدارتقان.
الداعى شارانىڭ باعدارلاماسى بىرنەشە كەزەڭنەن تۇرماق. الدىمەن قاتىسۋشىلار كەنشىلەر مادەنيەت سارايىن اينالىپ شىعادى. ارتىنان جارتى ساعاتتىق بالالارعا ارنالعان ساۋىقتىرۋ باعدارلاماسى وتەدى، ودان كەيىنگى كەزەكتە - جەڭىمپازداردى ماراپاتتاۋ ءراسىمى. سىيلىقسىز ەشكىم قالمايتىنى ايتىلۋدا. ۇيىمداستىرۋشىلار شارانى وتكىزۋگە دەمەۋشىلەردى جۇمىلدىرماق.
شارا 12:00 دە باستالادى، قاتىسۋ جانە تاماشالاۋ - تەگىن.
فوتو: ekaraganda.kz