بوكس: جەڭىلىپ كورمەگەن قازاقستاندىقتار ماسكەۋدە ايقاسادى

 استانا. قازاقپارات - قازاقستاندىق بوكسشىلار ءۋاليحان بيسەنقۇلوۆ (4-0، 4 ك و) جانە يبراگيم ەسكەندىر (2-0، 2 ك و) كەلەسى جەكپە-جەكتەرىنىڭ وتەتىن ۋاقىتىن ءبىلدى، دەپ حابارلايدى Sports.kz.

وتانداستارىمىز 17 -ماۋسىمدا «لوكوموتيۆ» بوكس اكادەمياسىندا (ماسكەۋ، رەسەي) شارشى الاڭعا شىعادى.

اۋىر سالماق دارەجەسىندە سىنعا تۇسەتىن بيسەنقۇلوۆ التى راۋندتىق، ال سۋپەر ورتا سالماق دارەجەسىندەگى ەسكەندىر ءتورت راۋندىق كەزدەسۋ وتكىزەدى. قارسىلاستارى ءالى بەلگىلى بولعان جوق.

بيسەنقۇلوۆ ءوزىنىڭ سوڭعى جەكپە-جەگىندە وزبەكستاننان كەلگەن سابيدجون حۋشۆوكوۆتى تەحنيكالىق نوكاۋتپەن جەڭگەن، ال ەسكەندىر سوڭعى رەت 30 -جەلتوقسان كۇنى الماتىدا تاجىك بوكسشىسى راسۋل سامادوۆتى سۇلاتىپ سالعان بولاتىن.