سەمەيدە جەدەل جاردەم مەن پوليتسيا كولىكتەرى سوقتىعىستى
07:47, 31 - مامىر 2018
سەمەي. قازاقپارات - سەمەيدە ۋاز پوليتسيا كولىگى جەدەل جاردەم كولىگىمەن سوقتىعىسقاننان كەيىن، اۋدارىلىپ قالدى، دەپ حابارلايدى قازاقپارات ءتىلشىسى.
«جەدەل جاردەم كولىگى قوسالقى كوشەنىڭ نەگىزگى جولىمەن ءجۇرىپ كەلە جاتقان. ال ءتارتىپ ساقشىلارىنىڭ كولىگى پاترۋلدىك دابىل قۇرالدارى ءارى جارىق شامدارىن قوسىپ قوزعالعان. قازىر اپاتتىڭ سەبەپتەرى انىقتالىپ جاتىر»، - دەدى قالالىق ءى ءى ب باسپا ءسوز قىزمەتىنىڭ جەتەكشىسى ەلۋبەك وسپانوۆ.
كولىك اپاتى قابانباي باتىر كوشەسىندە بولعان. ابىروي بولعاندا وقيعادان ەشكىم زارداپ شەككەن جوق.