قىرعىزستاننىڭ بۇرىنعى ۇكىمەت باسشىسى جەمقورلىق بابىمەن ايىپتالۋدا
09:46, 31 - مامىر 2018
استانا. قازاقپارات - قىرعىزستاننىڭ بۇرىنعى پرەمەر-ءمينيسترى ساپار يساكوۆقا سىبايلاس جەمقورلىق فاكتىلەرىنە بايلانىستى ايىپ تاعىلدى، دەپ جازادى كابار.
قىرعىز رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتى تەرگەپ جاتقان قىلمىستىق ءىس اياسىندا ەلدىڭ بۇرىنعى ۇكىمەت باسشىسى ساپار يساكوۆقا قاتىستى قىرعىزستاننىڭ ق ك 303-بابىنىڭ 1-بولىگىنە (سىبايلاس جەمقورلىق) سايكەس ايىپ تاعىلىپ وتىر. جانە ودان ەشقايدا كەتپەۋ تۋرالى قولحات الىندى.
بەلگىلى بولعانداي، يساكوۆ 2013 -جىلى پرەزيدەنت اپپاراتى جەتەكشىسىنىڭ ورىنباسارى بولىپ جۇرگەندە «بىشكەك قالاسىنىڭ ج ە و جاڭعىرتۋ» جوباسىن ىسكە اسىرۋ كەزىندە ءوزىنىڭ لاۋازىمدىق وكىلەتتىلىگىن پايدالانىپ، سىبايلاس جەمقورلىق فاكتىلەرىنە جول بەرگەن.