تاراقانداردان الىناتىن ءسۇت كادىمگى سۇتتەن پايدالىراق بولىپ شىقتى

 استانا. قازاقپارات - عالىمدار 2016 -جىلى جۇرگىزىلگەن زەرتتەۋ اياسىندا تاراقانداردىڭ ءسۇت بەزدەرىنىڭ وڭدەلۋى ارقىلى الىناتىن گليۋتەنسىز ءسۇت كادىمگى سۇتتەن پايدالىراق ەكەنىن انىقتادى.

سەبەبى سيىر جانە ەشكى سۇتىمەن سالىستىرعاندا، تاراقان ءسۇتىنىڭ قۇرامىندا اقۋىز بەن قۇنارلى زاتتار كوبىرەك.

بۇل تۋرالى Bgr باسىلىمىنا سىلتەمە جاساپ Stan.kz حابارلايدى.

سونداي- اق، كادىمگى سۇتپەن سالىستىرعاندا، تاراقانداردان الىناتىن ونىمدە تسينك، تەمىر، كالي جانە باسقا دا قۇنارلى زاتتار اناعۇرلىم كوپ ەكەن.

سونىمەن قاتار تاراقانداردان ءسۇت الاتىن العاشقى كومپانيالاردىڭ ءبىرى Gourmet Grubb مالىمەتىنشە، جاندىكتەردى ءوسىرۋ جانە ولاردان پايدالى ءونىم الۋ اناعۇرلىم ارزان ءارى فەرمادا مىڭداعان سيىردى ۇستاعانعا قاراعاندا زيانسىز ەكەن.