اقتوبەگە ديماش قۇدايبەرگەننىڭ ءبىر توپ فاناتى كەلەدى
تۋريستەردى كۇتىپ الۋ، ورنالاستىرۋعا مادەنيەت جانە سپورت مينيسترلىگى، «قازاق تۋريزم» ۇلتتىق كومپانياسى قارجى ءبولدى، دەپ حابارلايدى قازاقپارات ءتىلشىسى.
«قازىرگى كەزدە الەمنىڭ 100 دەن استام مەملەكەتىندە ديماشتىڭ فانكلۋبى بار. فانتوپتاردىڭ جەتەكشىلەرى اقتوبەگە كەلۋگە ۇسىنىس ايتتى. فاناتتاردىڭ كەلۋىن، جول شىعىندارىن مادەنيەت جانە سپورت مينيسترلىگى جانىنان قۇرىلعان «قازاق تۋريزم» ۇلتتىق كومپانياسى مەن اقتوبە اكىمدىگى ءوز مىندەتىنە الدى» ، - دەدى ديماش قۇدايبەرگەننىڭ اناسى سۆەتا ايتبايەۆا.
ايتاپ ايتقاندا، اقتوبەگە ا ق ش، گەرمانيا، مالايزيا، جاپونيا، پولشا، فرانسيا، يندونەزيا، ۋكراينا، قىتاي مەن قازاقستانداعى فان توپ جەتەكشىلەرى كەلەدى. سونىمەن قاتار، جاڭا زەللانيا، فينلياندياداعى فاناتتار ءوز ەركىمەن، ءوز شىعىندارىن وتەپ كەلۋگە ازىرلەنىپ، جولعا شىقتى.
«كەلۋشىلەر تەك ديماشتى ەمەس، «باقىتتى بالا» جوباسى اياسىندا ءان شىرقايتىن ونەرپازداردى تىڭداۋعا، وزگە دە تالانتتى بالالارمەن تانىسۋعا نيەتتى. قازاقتىڭ ۇلتتىق بولمىسىن، مادەنيەتى مەن تابيعاتىن كورۋگە قۇشتار جاندار ءوز ۇسىنىسىن بەرگەندە قوناقجايلىلىعىمىزدى تانىتۋعا كۇش سالامىز. بارلىعىن قۇشاق جايا قارسى الۋعا دايىنبىز. ولارعا ارنايى باعدارلاما جاسالدى. الماتى، استانا، اقتوبە قالالارىن ارالايدى. ءۇش قالانىڭ اكىمدىگى مەن «قازاق تۋريزم» كومپانياسى بىرىگىپ، ارنايى مارشرۋت ازىرلەدى. اقتوبەدە قالانىڭ كورىكتى جەرلەرىن كورەدى. سونىمەن قاتار، ديماش وقىعان №32 مەكتەپ- گيمنازياعا، مۋزىكالىق كوللەدجگە بارىپ، ۇستازى مارات ءايتىموۆتىڭ شەبەرلىك ساباعىنا قاتىسادى. ءبارى بىلەدى، دايىندىق ءجۇرىپ جاتىر» ، - دەدى سۆەتا ايتبايەۆا.