قازاقستاندىق فيلم حالىقارالىق فەستيۆالدە باس جۇلدە الدى
«ۇزىلمەگەن ءۇمىت» ءفيلمىنىڭ رەجيسسەرلەرى - سەرىك ابىشەۆ جانە رۋسلان ماگومادوۆ.
اتالعان ءفيلمدى حالىقارالىق كينوفەستيۆالدەردە كورسەتىپ، ناسيحاتتاۋدى ش. ايمانوۆ اتىنداعى «قازاق فيلم» ا ق جۇزەگە اسىرىپ وتىر.
«ءبىزدىڭ فيلمىمىزگە جوعارى باعا بەرگەن فەستيۆالگە جانە ونىڭ قازىلار القاسىنا العىسىم شەكسىز. ءفيلمنىڭ تەڭ رەجيسسەرى رۋسلان ماگومادوۆپەن، سونداي-اق كارتينانىڭ ءتۇسىرۋ توبىمەن بىرلەسىپ مەيىرىمگە تولى، ادامداردىڭ جۇرەكتەرىنە جىلۋ ۇيالاتىپ، كوڭىلدەرىن نۇرلاندىراتىن فيلم تۇسىرۋگە تىرىستىق»، - دەدى رەجيسسەر سەرىك ابىشەۆ.
فيلمدەگى باستى رولدەردى الماتى جانە الماتى وبلىسى بالالار ءۇيىنىڭ تاربيەلەنۋشىلەرى، سونىمەن قاتار وڭتۇستىك كورەيانىڭ بالالارى سومدادى. كارتينانىڭ نەگىزگى ءتۇسىرۋ جۇمىستارى شىعىس قازاقستان وبلىسىندا وتكەن. ءفيلمنىڭ مۋزىكاسىن ەلىمىزدىڭ تانىمال كومپوزيتورى قۋات شىلدەبايەۆ جازعان. ال، فيلمگە مۋزىكا جازۋ بارىسىندا باتىرحان شۇكەنوۆتىڭ ساكسوفونمەن ورىنداعان يمپروۆيزاتسياسى نەگىز بولعان.
ايتا كەتسەك، اتالعان فيلم ەڭ العاش گەرمانيادا وتكەن 64- مانگەيم- حايدەلبەرگ حالىقارالىق كينوفەستيۆالىنىڭ نەگىزگى بايقاۋىندا كورسەتىلگەن بولاتىن. 2016 -جىلى فيلمدە باستى ءرولدى سومداعان جاس اكتەر امانگەلدى قۇسايىنوۆ حالىقارالىق «كينومالىشوك» كينوفەستيۆالىندە «ۇزدىك بالا ءرولى» جۇلدەسىمەن ماراپاتتالعان.
فيلم تۋراى قىسقاشا ايتا كەتسەك. تۇتقىنعا الىنعان قىلمىسكەر اسكەريلەردىڭ باقىلاۋىمەن كورەيادان ەۋروپاعا ۇشىپ بارا جاتقان ساتىندە، ۇشاق قازاقستاننىڭ ءبىر قالاشىعىنا قونۋعا ءماجبۇر بولادى. وسىلايشا، تەمىر توردان تالاي مارتە قاشىپ كەتپەك بولعان باستى كەيىپكەر تاعدىردىڭ سالۋىمەن بالالىق شاعىن وتكىزگەن بالالار ۇيىنە قايتا ورالادى.
ءتۇرلى ۇلت وكىلدەرىنەن قۇرالعان ءفيلمنىڭ كەيىپكەرلەرى ءتىل تابىسا الماسا دا، ءبىر-ءبىرىنىڭ جۇرەكتەرىنە مەيىرىم شاپاعاتىن توگىپ، كورەرمەندەردى ادامدار اراسىنداعى ادامگەرشىلىك، ماحاببات پەن دوستىق سەزىمدەرىن باعالاي بىلۋگە شاقىرادى.