قازاقتىڭ ۇلتتىق اۋەندەرى پاريجدە شىرقالماق

اتىراۋ. قازاقپارات - د. نۇرپەيىسوۆا اتىنداعى اتىراۋ وبلىستىق قازاق حالىق اسپاپتار وركەسترى پاريجدە ونەر كورسەتەدى، دەپ حابارلايدى قازاقپارات ءتىلشىسى.

«ۇلتتىق اسپاپتار وركەسترىنىڭ كونسەرتى 28 -مامىر كۇنى پاريجدەگى جالعىز كلاسسيكالىق كونتسەرتتىك زال - گاۆودا (Salle Gaveau) وتەدى دەپ جوسپارلانىپ وتىر. 53 ارتىستەن قۇرالعان وركەستر شەتەلدىك تىڭدارمانعا «شۋاقتى ولكەنىڭ شاتتىعى» باعدارلاماسىن ۇسىنباق. دينا مەن قۇرمانعازىنىڭ تۋىندىلارى ورىندالادى. ودان بولەك، اكادەميالىق وركەستردىڭ رەپەرتۋارىندا يۋبەر يۆ ادريان جيرونىڭ «پاريج اسپانىنىڭ استىندا»، جورج بيزەنىڭ «سميت سەرەناداسى»، نۇرعيسا تىلەنديەۆتىڭ «كەل ەركەم-الاتاۋىڭا»، «پەرتسكايا كراساۆيتسا» جانە تاعى دا باسقا تۋىندىلار بار، - دەيدى اتىراۋ وبلىسى مادەنيەت، مۇراعاتتار جانە قۇجاتتاما باسقارماسىندا.

وركەستر الداعى ساپارعا قازاقستانداعى فرانسيا ەلشىلىگىنىڭ شاقىرتۋىمەن اتتانعان. كونسەرت قازاقستان مەن فرانسيا اراسىنداعى ستراتەگيالىق ىنتىماقتاستىقتىڭ 10 جىل تولۋى اياسىندا وتكىزىلەدى.