بالانى قۇتقارعان «ورمەكشى» ميگرانت فرانسيانىڭ ازاماتتىعىن الاتىن بولدى
08:26, 30 - مامىر 2018
استانا. قازاقپارات - پاريجدە 22 جاستاعى ميگرانت جىگىت بيىك قاباتتى ءۇيدىڭ بالكونىنان قۇلايىن دەپ تۇرعان بالانى قۇتقاردى، دەپ جازادى СNN.
ماليالىق جىگىت مامۋد گاسسسامدىڭ كوز لەستىرمەس ۋاقىتتىڭ ىشىندە ساقتاندىرۋ بەلدىگىنسىز ءتورت قابات بيىكتىككە كوتەرىلىپ، بالكوننان قۇلايىن دەپ تۇرعان بالانى كوتەرىپ الدى.
وسى وقيعادان كەيىن فرانسيانىڭ پرەزيدەنتى ەممانۋەل ماكرون ەليسەي سارايىندا باتىل مامۋدۋ گاسسسامۋمەن كەزدەسىپ، وعان فرانسيانىڭ ازاماتتىعىن بەرۋگە ۋادە ەتتى. ونى العىس حاتپەن دە ماراپاتتادى.
سونداي-اق، مامۋد گاسسسام فرانسيادا ءورت ءسوندىرۋشى بولىپ جۇمىسقا الىنباق.
ايتا كەتەيىك، مامۋد گاسسسامدىڭ بالانى قۇتقارۋ ءساتىن بەينەلەيتىن ۆيدەونى كورگەن الەۋمەتتىك جەلى قولدانۋشىلارى ونى «ورمەكشى ادامعا» تەڭەپ جاتىر.