سەمەيدە مۋمياعا اينالعان ەر ادامنىڭ ءمايىتى تابىلدى
07:56, 30 - مامىر 2018
استانا. قازاقپارات - سەمەيدەگى گەتە كوشەسىنىڭ جىلۋ ماگيسترالىن اۋىستىرۋ جۇمىستارى جۇرگىزىلىپ جاتقان كەزدە ەكسكاۆاتوردىڭ قالاعى استىنان قۇرىلىسشىلار ەر ادامنىڭ ءمايىتىن تاۋىپ الدى، دەپ جازادى altaynews.
بۇل جاعدايدى قۇرىلىسشىلار دەرەۋ ءتيىستى ورىندارعا حابارلاپ، ايتقان.
وقيعا ورنىنا كەلگەن ماماندار ءمايىتتىڭ ول جەردە ۇزاق جاتقانىن، سول سەبەپتى دەنەسى ءشىرىپ، مۋمياعا اينالا باستاعانىن انىقتاعان.
سەمەي قالالىق ءى ءى ب مەملەكەتتىك ءتىل جانە اقپارات ءبولىمىنىڭ جەتەكشىسى ەلۋبەك وسپانوۆتىڭ ايتۋىنشا، اتالعان وقيعاسى بويىنشا سوت مەديتسينالىق ساراپتامالار تاعايىندالىپ، كەشەندى تەرگەۋ امالدارى جۇرگىزىلەدى.