قازاقتىڭ «كيىز باسۋ» ءبيى قىتاي تەلەارناسىنان كورسەتىلدى
17:04, 29 - مامىر 2018
استانا. قازاقپارات - قىتايداعى قانداستارىمىزدىڭ ءبي ۇجىمى قىتاي ورتالىق تەليەۆيزياسى CCTV-3 مادەنيەت جانە ونەر تەلەارناسىنىڭ «ءبي الەمى» باعدارلاماسىندا «كيىز باسۋ» ءبيىن بيلەدى، دەپ حابارلايدى قازاقپارات.
«كيىز باسۋ» - قازاق ءداستۇرىن بەينەلەيتىن ۇلتتىق ءبيىنىڭ ءبىرى. مۇندا ءجۇن ءتۇتۋ، ءجۇن ساباۋ، كيىز باسۋ كەزىندەگى قيمىلدار ايشىقتى بەينەلەنەدى.
ايتا كەتەيىك، قىتايدىڭ «ءبي الەمى» باعدارلاماسى CCTV-3 تەلەارناسىندا 2015 -جىلدان بەرى كورسەتىلىپ كەلەدى. باعدارلامادا ءار ۇلتتىڭ ءتۇرلى بيلەرى كەڭىنەن كورسەتىلەدى.
اۆتور: مۇحتار قاليموللا ۇلى