«اسكەري كەمە جاساۋ سالاسىندا وتاندىق كاسىپورىنداردىڭ ارقاسىندا ءبىز تولىعىمەن ءوز قاجەتتىلىگىمىزدى جاۋىپ وتىرمىز. ونىمەن ورال قالاسىنداعى كاسىپورىن اينالىسادى. بارلىق كەمەلەر قارۋلى كۇشتەردىڭ كاسپي تەڭىزىندەگى بولىگىندە، ق ر ۇ ق ك شەكارا قىزمەتىندە. ولاردىڭ ءبارى دە سول كاسىپورىندا جاسالعان. سونىمەن بىرگە، اسكەري كەمەلەردى جاساۋدا تىڭ باعىتتى جاڭادان باستادىق. ءبىز بۇل سالانى دامىتاتىن بولامىز»، - دەدى مينيستر «KADEX-2018» حالىقارالىق كورمەسى اياسىندا ءوتىپ جاتقان «ADVANCED DEF TECH» عىلىمي- پراكتيكالىق كونفەرەنسياسىندا.
ايتا كەتسەك، ونىڭ الدىندا بەيبىت اتامقۇلوۆ قازاقستاننىڭ قورعانىس- وندىرىستىك كەشەنى سالاسىندا قازاقستان الەمدىك كومپانيالارمەن سەرىكتەسە جۇمىس اتقارۋعا دايىن ەكەنىن حابارلاعان بولاتىن. ونىڭ ايتۋىنشا، قورعانىس جانە ايەروعارىش ونەركاسىبى مينيسترلىگىندە عىلىمي- تەحنيكالىق كەڭەس قۇرىلعان. ول كەڭەس ارقىلى مينيسترلىك بارلىق الەۋەتتى جوبالاردى قاراستىرادى. بۇگىنگى كۇندە ول تىزىمدە ەلۋگە تارتا الەۋەتتى جوبا بار. بۇل رەتتە مينيستر ق ءو ك سالاسىنداعى شەتەلدىك كومپانيالارمەن سەرىكتەسۋگە دايىن ەكەندىگىن ايتقان ەدى.
ەسكە سالا كەتسەك، كەشە استانادا ەلباسى نۇرسۇلتان نازاربايەۆتىڭ قاتىسۋىمەن «KADEX-2018» حالىقارالىق كورمەسى اشىلعان بولاتىن. كورمە 26 - مامىرعا دەيىن جالعاسادى. كورمەگە رەسەي، بەلارۋس، قىرعىزستان، ارمەنيا، تۇركيا، يوردانيا، ازەربايجان، يزرايل، يتاليا سىندى 40-تان استام ەلدەردىڭ وكىلدەرى قاتىسۋدا. سونداي- اق، بەلارۋس، بەلگيا، بولگاريا، برازيليا، گەرمانيا، يزرايل، ءۇندىستان، يسپانيا، يتاليا، ق ح ر، نيدەرلاندى، ر ف، ا ق ش، سەربيا سياقتى الەمنىڭ 28 ەلىنىڭ 318 كاسىپورىنى ءوز ونىمدەرىن كورمەدە ۇسىنىپ وتىر. كورمەنى ۇيىمداستىرۋشى - قر قورعانىس جانە ايەروعارىش ونەركاسىبى مينيسترلىگى، «قازاقستان ينجينيرينگ» ۇ ك» ا ق بولىپ تابىلادى.
اۆتور: ايان بەكەن ۇلى