ۆولەيبولدان قازاقستاننىڭ ەرلەر جانە ايەلدەر قۇرامالارى قارسىلاستارىن ويسىراتا جەڭدى

الماتى. قازاقپارات - الماتىدا ۆولەيبولدان ەرلەر جانە ايەلدەر اراسىندا شاقىرۋ كۋبوگىنا قۇرلىقتىق ىرىكتەۋ ءتۋرنيرى ءوتىپ جاتىر.

ونىڭ العاشقى كەزەڭىندە قازاقستاندىق سپورتشىلار ايقىن باسىمدىقپەن جەڭىسكە جەتتى، دەپ حابارلايدى قازاقپارات ءتىلشىسى.

بۇگىن بالۋان شولاق اتىنداعى سپورت سارايىندا قازاقستان مەن اۆستراليا ايەلدەر قۇرامالارى كەزدەستى. ماتچتا قازاقستاندىق سپورتشىلار 3:0 ەسەبىمەن جەڭىسكە جەتتى.

 

ال ەرلەر دوداسىندا قازاقستان مەن پاكىستان ءوزارا كۇش سىناستى. العاشقى سەتتە قازاقستاندىقتار 18:25 ەسەبىمەن جەڭىلىسكە ۇشىرادى. ءبىراق ءۇزىلىس كەزىندە ەس جيعان پاركەت يەلەرى قارسىلاستارىن 3:1 ەسەبىمەن تىزە بۇكتىردى.

20- مامىر كۇنى قازاقستاننىڭ ەرلەر جانە ايەلدەر قۇرامالارى قىتاي تايپەيىنىڭ قۇرامالارىمەن كەزدەسەدى.