قازاقستان ۇرىمجىدەگى «جىبەك جولى مادەنيەت ءتۇنى» كەشىنە قاتىستى
ولار قازاقستاننىڭ مادەنيەتىن، تاريحىن، گەوگرافياسىن جانە تۋريستىك الەۋەتىن تانىستىردى. كەش قوناقتارىنا قازاقتىڭ دومبىراسىنان تۋعان تامىلجىعان كۇيلەر، حالقىمىزدىڭ ۇلتتىق كيىمدەرى، ەت، باۋىرساق، قىمىز، شۇبات سەكىلدى تاعامدارى تارتىلدى.
شارا ۇيىمداستىرۋشىلارىنىڭ ءبىرى شياۋ جيانفاڭ قازاقستان- قىتاي قارىم-قاتىناستارىنىڭ قارقىنمەن دامىپ كەلە جاتقانىن، اسىرەسە قازاقستان رەسپۋبليكاسى مەن ق ح ر شىڭجاڭ-ۇيعىر اۆتونوميالىق ولكەسى اراسىنداعى ساۋدا- ەكونوميكالىق جانە مادەني- گۋمانيتارلىق بايلانىستاردىڭ جاڭا ساتىعا كوتەرىلگەنىن تىلگە تيەك ەتتى.
«2016 -جىلى ءبىزدىڭ ينستيتۋت قازاقستاننان كەلگەن ستۋدەنتتەر ءۇشىن رەكوردتىق مولشەردەگى گرانتتاردى ءبولدى. ينستيتۋتىمىزداعى قازاقستاندىق جاستاردىڭ سانى جىلدان- جىلعا ارتا بەرەدى دەپ ۇمىتتەنەمىن»، - دەدى ول.
شاراعا قازاقستاننان تىس، قىرعىزستان، وزبەكستان، تاجىكستان، قىتاي، گەرمانيا، ءۇندىستان، پاكىستان، مىسىر، رۋاندا، ەفيوپيا جانە نيگەريادان ۇزىن سانى 100 دەن استام ادام قاتىستى.
ۇيىمداستىرۋشىلار «Silk Road Culture Night» كەشىن جىل سايىن وتكىزۋگە بەل بۋىپ وتىر.