ماسكەۋ جەڭىس كۇنىن قالاي اتاپ ءوتتى؟
پارادتى ر ف قورعانىس ءمينيسترى، ارميا گەنەرالى سەرگەي شويگۋ قابىلدادى.
ر ف پرەزيدەنتى ۆلاديمير پۋتين قوناقتار مەن قاتىسۋشىلاردى قۇتتىقتادى.
«سىزدەردى جەڭىس كۇنىمەن قۇتتىقتايمىن. بۇل - ءار وتباسى ءۇشىن ەڭ ەرەكشە مەرەكە بولىپ قالا بەرمەك. 73 جىل بۇرىن ەكىنشى دۇنيەجۇزىلىك سوعىس اياقتالىپ، ۇلتشىلدىققا جانە سويقاندىققا توسقاۋىل قويىلدى. ەلى ءۇشىن قازا تاپقان جاۋىنگەرلەردى ەسكە الۋ - پارىزىمىز»، - دەدى ۆلاديمير پۋتين.
قىزىل الاڭدا 13 مىڭ اسكەري قىزمەتشى ساپ تۇزەدى. سونداي-اق، مەرەكەگە قاتىسۋشىلار مەن قوناقتار 150 دەن استام اسكەري تەحنيكانى تاماشالادى. قىزىل الاڭنان 75 ۇشاق پەن تىكۇشاق ۇشىپ ءوتتى.
ەكىنشى دۇنيەجۇزىلىك سوعىستاعى جەڭىستىڭ 73 جىلدىعىنا ارنالعان مەرەكەلىك پارادقا يزرايل پرەمەر-ءمينيسترى بينيامين نەتانياحۋ، سەربيا رەسپۋبليكاسىنىڭ پرەزيدەنتى الەكساندر ۆۋچيچ، سونداي-اق ديپلوماتتار مەن رەسمي تۇلعالار قاتىستى.