سيريا بويىنشا استانا پروتسەسىنىڭ كەلەسى كەزەڭى قاشان وتەتىنى بەلگىلى بولدى

استانا. قازاقپارات - ق ر سىرتقى ىستەر مينيسترلىگى سيرياداعى جاعدايدى رەتتەۋ بويىنشا استانا پروتسەسى اياسىندا كەزەكتى كەزدەسۋلەردىڭ داتاسىن ايتتى، دەپ حابارلايدى قازاقپارات ءتىلشىسى.

«قازاقستان سىرتقى ىستەر مينيسترلىگى 2018-جىلى 14-15- مامىردا قازاقستان ەلورداسىندا استانا پروتسەسى كەپىل ەلدەرىنىڭ سيريا بويىنشا جوعارى دەڭگەيدەگى كەزەكتى 9-حالىقارالىق كەزدەسۋلەردى وتكىزۋدى راستاعانىن ءمالىم ەتتى»، - دەلىنگەن حابارلامادا.

كەپىل ەلدەردەن - يران، رەسەي جانە تۇركيادان بولەك، كەزدەسۋگە سيريا وپپوزيتسياسىنىڭ توپتارى مەن ۇكىمەتىنىڭ دەلەگاتسياسى، سونداي-اق ب ۇ ۇ جانە باقىلاۋشى رەتىندە ا ق ش پەن يوردانيانىڭ شاقىرىلعانى اتالىپ ءوتىلدى.

«كەپىل ەلدەردىڭ اقپاراتىنا سايكەس، استاناداعى كەلىسسوزدەر بارىسىندا تاراپتار سيرياداعى قازىرگى جاعدايدى، سونىڭ ىشىندە دەەسكالاتسيا ايماقتاردا گۋمانيتارلىق ماسەلەلەردى جانە سەنىمدى نىعايتۋ شارالارىن تالقىلايدى، سونداي-اق وسى اراب ەلىندەگى داعدارىستى رەتتەۋ پروتسەسىن دامىتۋدى ۇيلەستىرۋ ماسەلەلەرىن قاراۋعا نيەتتى»، - دەپ حابارلادى س ءى م- دە.

14- مامىردا ەكىجاقتى جانە كوپجاقتى كونسۋلتاتسيالار وتكىزۋ جوسپارلانۋدا، ال 15- مامىردا پلەنارلىق وتىرىس وتەدى.