اسكەري فورماداعى وبلىس اكىمدەرىنىڭ فوتوسۋرەتتەرى جەلىنى شارلاپ كەتتى
«وتار» 40- اسكەري بازاسىندا استانا جانە الماتى قالالارىنىڭ، وبلىستاردىڭ اكىمدەرىمەن دالالىق جيىن ءوتتى. اسكەري ۆەدومستۆا باسشىسىنىڭ باسشىلىعىمەن استانا جانە الماتى قالالارىنىڭ، وبلىستاردىڭ اكىمدەرىمەن العاش رەت دالالىق جيىن ۇيىمداستىرىلدى. گۆاردەيسك وقۋ- جاتتىعۋ پوليگونىندا دالالىق جيىن بارىسىندا قاتىسۋشىلار اتىس قارۋىنان جانە اسكەري ماشينانىڭ قارۋىنان تاجىريبەلىك اتۋدى ورىندادى. اتىستان ۇزدىك ناتيجە كورسەتكەن اكىمدەر گراموتالارمەن جانە ەستەلىك سىيلىقتارمەن ماراپاتتالدى»، - دەپ اتاپ وتىلگەن ق ر قورعانىس مينيسترلىگىنىڭ مالىمەتىندە.
اتاپ ايتقاندا، جاۋىنگەرلىك پارادتا، 7 - مامىر كۇنى ق ر پرەزيدەنتىنىڭ 2015 -جىلعى 25 - جەلتوقسانداعى جارلىعىنا سايكەس قۇرىلعان ايماقتىق قورعانىس بريگادالارىنىڭ جاۋىنگەرلىك تۋى وبلىستاردىڭ، استانا جانە الماتى قالالارىنىڭ اكىمدەرىنە تابىس ەتىلەدى.
وسى ورايدا پوليگونداعى تاجىريبەلىك شارالار بويىنشا اقمولا وبلىسىنىڭ اكىمى مالىك مىرزالين Facebook-تەگى پاراقشاسىندا بىرنەشە سۋرەتتەرىن جاريالادى.
«2018 -جىلعى 6 - مامىردا «وتار» 40- اسكەري بازاسىندا وبلىستاردىڭ، استانا جانە الماتى قالالارىنىڭ اكىمدەرىمەن دالالىق جيىن ءوتتى. جيىن بارىسىندا اۋماقتىق قورعانىس ماسەلەلەرى قاراستىرىلدى»، - دەپ م. مىرزالين جازدى الەۋمەتتىك جەلىدەگى پاراقشاسىندا.
ايتا كەتەيىك، شامالى ۋاقىتتان كەيىن جامبىل وبلىسىنداعى «وتار» اسكەري بازاسىنىڭ اۋماعىندا جاۋىنگەرلىك پاراد باستالادى. وسى اتاۋلى شاراعا ق ر ق ك جوعارعى باس قولباسشىسى نۇرسۇلتان نازاربايەۆ قاتىسادى. بۇگىنگە دەيىن 3 مىڭنان استام سارباز پارادقا ءجىتى دايىندىقتان ءوتتى.
اۆتور: رۋسلان عابباسوۆ