قايرات ءابدىراحمانوۆ قىزىل كرەست جانە قىزىل جارتى اي ۇيىمدارىنىڭ باسشىسىن قابىلدادى

 استانا. قازاقپارات - قازاقستان رەسرۋبليكاسىنىڭ سىرتقى ىستەر ءمينيسترى قايرات ءابدىراحمانوۆ قىزىل كرەست جانە قىزىل جارتى اي حالىقارالىق قوعام فەدەراتسياسىنىڭ پرەزيدەنتى فرانچەسكو روككامەن كەزدەستى، دەپ حابارلايدى قازاقپارات سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

تاراپتار حالىقارالىق فەدەراتسيانىڭ الەمدەگى توتەنشە جاعدايلار مەن قاقتىعىستاردىڭ سالدارىنىڭ الدىن الۋ، سونداي- اق قالپىنا كەلتىرۋ جۇمىستارى بويىنشا جەرگىلىكتى تۇرعىندارعا قولداۋ كورسەتۋى جونىندەگى قىزمەتىن تالقىلادى.

ق. ءابدىراحمانوۆ سەنىمدىلىك ءۇشىن العىس ايتا وتىرىپ، قىزىل كرەست جانە قىزىل جارتى اي حالىقارالىق قوعام فەدەراتسياسىنىڭ 10-شى ەۋروپالىق كونفەرەنتسياسىن 2018 - جىلعى 2-3 -مامىردا الماتىدا وتكىزۋ جونىندە باستاماسىن قودايتىنىن ءبىلدىردى.

قازاقستان فەدەراتسيامەن، ەكىجاقتى دەڭگەيدە دە، باسقا حالىقارالىق الاڭداردا دا، سونىڭ ىشىندە پرەزيدەنت ن. ءا. نازاربايەۆتىڭ سىرتقى ساياسي باستامالارىن ىسكە اسىرۋ شەڭبەرىندە ىنتىماقتاستىقتى نىعايتۋعا ءازىر ەكەنىن اتاپ ءوتتى.

ف. روككا ءوز تاراپىنان ماڭىزدى كونفەرەنتسيانى قازاقستاندا ۇيىمداستىرۋعا جانە وتكىزۋگە كورسەتىلگەن قولداۋ ءۇشىن العىسىن ءبىلدىردى.

 

بۇدان بولەك، حالىقارالىق فەدەراتسياسىنىڭ پرەزيدەنتى سيرياداعى داعدارىستى شەشۋ ءۇشىن استانادا ۇيىمداستىرىلعان كەلىسسوزدەردى جوعارى باعالادى جانە جاقىن ارادا سيريا اراب رەسپۋبليكاسىنا جاساعان ءىس- ساپارى قورىتىندىلارى جونىندە ءسوز قوزعادى.

 

كەزدەسۋ ناتيجەسىندە تاراپتار تۇراقتى ءبىر- بىرىمەن حابارلاسا وتىرىپ، كەڭ اۋقىمدى ماسەلەلەر بويىنشا ىنتىماقتاستىقتى نىعايتۋعا كەلىستى.