ماسكەۋدە تەرەزەدەن قۇلاعان قىزدىڭ اناسى شىندىقتى ايتتى

استانا. قازاقپارات - ماسكەۋدە ينستيتۋت تەرەزەسىنەن قۇلاپ، اۋرۋحانادا اۋىر جاعدايدا جاتقان توميريس بايسافانىڭ اناسى، ستيليست جاننا احمەتوۆا بولعان وقيعاعا قاتىستى مالىمدەمە جاسادى.

«مەنىڭ قىزىم توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ 4 -كۋرس ستۋدەنتى. سۇلۋ بويجەتكەن، سپورتشى، اعىلشىن، نەمىس ءتىلىن وقىپ، ماگيستراتۋراعا تۇسۋگە دايىندالىپ جۇرگەن. تالعامى بيىك قىز. ۋنيۆەرسيتەت ءبىتىرۋ كەشىنە كويلەك ساتىپ الىپ، بولاشاعىنا كوپ جوسپار قۇرىپ جۇرگەن. جاۋاپسىز ماحابباتتىڭ ماشاقاتىن تارتقان جوق. بولمەسىندەگى كومپيۋتەرىندە ديپلومدىق جۇمىسىنىڭ تورتتەن ءۇش بولىگىن جازىپ قويعان. قايعىلى وقيعا بولاتىن كەشكە دە جوسپارى بولعان. ول مۋرتۋزالي مەدجيدوۆپەن 2 جىلدان بەرى كەزدەسىپ جۇرگەن. ەكەۋى ءبىر گرۋپپادا وقيدى. بۇل تۋرالى اينالاسىنداعىلاردىڭ ءبارى بىلگەن. ول مەنىڭ قىزىما ۇزاق ۋاقىت ءسوز سالىپ جۇرگەن. قازىر تەرگەۋ ءجۇرىپ، بارلىق كۋاگەرلەر جاۋاپ بەرىپ جاتىر. قازىر مەنىڭ بار ويىم قىزىمدا. ءبىراق بىرەۋلەر مەنىڭ ۇنسىزدىگىمدى باسقاشا ءتۇسىنىپتى» - دەگەن جاننا احمەتوۆا جاعىمسىز پىكىر جازىپ، جەل ءسوزدى كوبەيتكەن جەلى قولدانۋشىلارىنا رەنجۋلى ەكەنىن دە جەتكىزدى.