نۇرتاس ادامباي سەناري جازۋشىلارعا بايقاۋ جاريالادى

بۇل جايلى بەلگىلى اكتەر، رەجيسسەر، پروديۋسەر فەيسبۋكتەگى پاراقشاسىندا ءمالىم ەتتى، دەپ حابارلايدى قازاقپارات.

«ۇزدىك قاتىسۋشىعا «Nurtas Production» كينوستۋدياسىندا جۇمىس بەرىلەدى ءارى جەڭىمپازدىڭ سەناريى بويىنشا تولىق مەتراجدى فيلم تۇسىرىلەدى»، - دەيدى نۇرتاس ادامباي.

سەناري جازۋشىلار بايقاۋى بىرنەشە كەزەڭنەن تۇرادى. 20- ساۋىردەن 6- مامىرعا دەيىنگى 1-تۋردا قاتىسۋشىلاردان ءوتىنىش قابىلدانادى. 6- مامىردان كەيىن وتىنىشتەر قابىلدانبايدى.

نە ىستەۋ كەرەك؟ مىنا تالاپتارعا ساي كەلەتىندەي ەتىپ فيلمنىڭ سينوپسيسىن (شىعارمانىڭ قىسقاشا سيپاتتاماسى - اۆت) جازۋ قاجەت:

1. فيلم يدەياسىن بارىنشا اشۋعا، سول ارقىلى كوميسسيا مۇشەلەرىنىڭ نازارىن اۋدارۋعا ۇمتىلۋ؛

2. ءسينوپسيستى ءبىر ا4 فورماتىنا سىيعىزۋ (شريفتى - Times New Roman، كەگلى - 12)؛

3. قولتاڭبا: اتى-ءجونى، جاسى، قالاسى، بايلانىس مالىمەتتەرى.

بايقاۋعا قازاقستاننىڭ كەز كەلگەن قالاسىنان جانە ت م د ەلدەرىنەن كامەلەتكە تولعان تۇلعالار قاتىسا الادى؛

4. دۇرىس جازىلعان جۇمىستى (2-تارماق) info.nurtaspro@gmail.com ەلەكتروندى پوشتاسىنا جىبەرىپ، ناتيجەسىن كۇتۋ.

كەلەسى تۋرعا وتكەن قاتىسۋشىلاردىڭ اتى جازىلعان ءتىزىم @nurtasadambay, @nurtasprochannel پاراقشالارىندا 2018-جىلعى 7- مامىردا جاريالانادى.

ەكىنشى تۋردىڭ شارتتارى ناتيجەلەر جاريالانعاننان كەيىن ايتىلادى.