استانا - رەسەيلىك تۋريستەر ءۇشىن ت م د-داعى «ليۋكس» قالالاردىڭ ءبىرى

استانا. قازاقپارات - «تۋرسات» تالداۋ اگەنتتىگىنىڭ مالىمەتتەرى بويىنشا رەسەيلىك تۋريستەردىڭ ت م د ەلدەرىنە جاسايتىن كوكتەمگى ساياحاتتارى رەيتينگىندە مينسك، استانا جانە باكۋ كوش باستاپ تۇر، دەپ حابارلايدى قازاقپارات.

رەسەيدە مامىر ايىنداعى مەرەكەلەر 29 -ساۋىردەن 2 -مامىرعا دەيىن، سونداي-اق 9 -مامىردا وتەدى.

رەيتينگ 2018 -جىلدىڭ كوكتەمىندەگى تۋريستىك ساياحاتتاردى تالداۋ ناتيجەلەرىنە نەگىزدەلە وتىرىپ جاسالدى.

تۋرساتتىڭ مالىمەتتەرىنە قاراعاندا، دەمالىس كۇندەرى ساياحاتتايتىن رەسەيلىك تۋريستەر ت م د قالالارىن ءجيى تاڭدايدى. كوكتەمدە تۋريستەر ت م د قالالارىنا ورتاشا ءۇش كۇنگە بارىپ، كۇنىنە شامامەن 65 دوللار جۇمسايدى.

ت م د- دا كيشينيەۆ، بىشكەك جانە تاشكەنت ساياحاتتاۋعا ارزان قالالار بولسا، «ليۋكس» تۋرلار تىزىمىندە استانا مەن باكۋ كوش باستادى.

2018 -جىلعى كوكتەمدە تۋريستەر اراسىنداعى ت م د- نىڭ ەڭ تانىمال 10 قالاسى:

مينسك (بەلارۋس)

استانا (قازاقستان)

باكۋ (ازەربايجان)

ەرەۆان (ارمەنيا)

الماتى (قازاقستان)

تاشكەنت (وزبەكستان)

كيشينيەۆ (مولدوۆا)

بىشكەك (قىرعىزستان)

دۋشانبە (تاجىكستان)

اشحاباد (تۇرىكمەنستان).