تاڭعالارلىق قىزىقتى دەرەكتەر

استانا. قازاقپارات - الەمدە تالاي قىزىق بار. كەيدە كۇندە كورىپ جۇرگەن قاراپايىم جان- جانۋارلار تۋرالى قىزىقتى دەرەكتەر ەستىگەندە راسىمەن دە تاڭعالاسىڭ.

اياق- قولى قىلداي قۇمىرسقانىڭ وزىنەن بىرنەشە ەسە اۋىر ءداندى كوتەرىپ كەتىپ بارا جاتقانىن كورىپ جاراتىلىستىڭ تىلسىمىنا تاڭداي قاعاسىڭ. وسىنداي قىزىقتى مالىمەتتەردىڭ ءبىر توبىن نازارلارىڭىزعا ۇسىنامىز.

كەرىكتىڭ بالاسى تۋعاندا ومىردەن الاتىن ەڭ العاشقى اسەرى - 2 مەتر بيىكتىكتەن قۇلاۋ.

30 جاسقا جەتكەندە ەرلەردىڭ ميى قۇرعاي باستايدى، 60 جاسقا جەتكەندە ميدىڭ 30 پايىزى قۇرعاپ قالادى ەكەن. ال، ايەلدەردە مۇنداي ۇدەرىس بايقالماعان. ستاتيستيكا مالىمەتتەرىنە قاراعاندا، ۇيلەنگەندە ەرلەردىڭ ءومىرى 8 جىلعا ۇزارسا، تۇرمىسقا شىققان ايەلدەردىڭ عۇمىرى، كەرىسىنشە، 8 جىلعا قىسقارادى ەكەن.

تەڭىز جۇلدىزى اسقازانىن سىرتقا شىعارا الادى. ەڭ ۇزاق ۋاقىت سۋسىز جۇرە الاتىن جاندىك - تىشقان. بەگەموتتار سۋ استىندا ومىرگە كەلەدى.

سارىشۇناق ءبىر تۇندە 76 مەتر ۇڭگىرتاۋ (تۋننەل) قازا الادى.

ءنىل وزەنىندەگى قولتىراۋىندار كەسىرىنەن جىلىنا مىڭنان اسا ادام قايتىس بولادى.

تۇيەقۇستىڭ جۇمىرتقاسىن قايناتۋ ءۇشىن 4 ساعات كەرەك. كوليبري قۇسى جۇرە المايدى. اۋسترالياعا كەلگەن العاشقى ەۋروپالىقتار جەرگىلىكتى تۇرعىنداردان: «مىناۋ سەكىرىپ- سەكىرىپ جۇرەتىن قانداي جانۋار؟ « دەپ سۇراسا، ولار ءوز تىلدەرىندە: "kanguroo» (كەنگۋرۋ) دەپ جاۋاپ بەرگەن، ياعني ماعىناسى «تۇسىنبەدىك» دەگەن ءسوز ەدى.

جارقانات - ۇشا الاتىن جالعىز سۇتقورەكتى. جەردە ءومىر سۇرگەن بارلىق جانۋاردىڭ 99 پايىزى قىرىلىپ كەتكەن.

بال اراسى 1 كيلوگرامم بال جيناۋ ءۇشىن 2 ميلليون گۇلگە قونادى.

پينگۆيندەر 1,5 مەترگە سەكىرە الادى. شيمپانزەلەر اينادان ءوزىن تاني الاتىن جالعىز جانۋار بولىپ ەسەپتەلەدى. قولتىراۋىندار سۋ استىنا باتۋ ءۇشىن تاستاردى جۇتىپ الادى.

العاشقى اۋستراليالىق 50 سەنتتىك تيىندى جاساۋ ءۇشىن شىعىنى 2 دوللار بولاتىن كۇمىس جۇمسالعان.

انگلياداعى كىتاپحانالاردا ەڭ كوپ ۇرلاناتىن كىتاپ - «گيننەستىڭ رەكوردتار كىتابى». بۇل دالەل سول كىتاپتىڭ وزىنە رەكورد بولىپ كىرگەن.

مونوكو ۇلتتىق وركەسترى ەلدىڭ ارمياسىنان دا كوپ. جىل بويى ءبىر دە ءبىر ءسابي تۋماعان مەملەكەت - ۆاتيكان (1983 -جىل) .

ءنىل وزەنى ەكى رەت Ⅸ جانە Ⅺ عاسىرلاردا مۇزداعان. لاس- ۆەگاس كازينولار قابىرعاسىنا ساعات قويىلمايدى. فرانسيادا ادام كەلبەتىنە ۇقسامايتىن قۋىرشاقتاردى ساتۋ زاڭ جۇزىندە تىيىم سالىنادى.

افريكا تۇيەقۇسىنىڭ 15 سانتيمەترلىك جۇمىرتقاسى - 1,8 كيلوگرامم. بريدج - كارتامەن وينالاتىن جالعىز وليمپيادا ويىنى.

Massaget.kz