ەلباسى الجير پرەزيدەنتىنە كوڭىل ايتۋ جەدەلحاتىن جولدادى
14:57, 12 - ءساۋىر 2018
استانا. قازاقپارات - مەملەكەت باسشىسى الجير حالىق دەموكراتيالىق رەسپۋبليكاسىنىڭ پرەزيدەنتى ابدەل ءازيز بۋتەفليقاعا كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى ءالجيردىڭ بۋفاريك قالاسى ماڭىندا جۇك تاسىمالدايتىن اسكەري ۇشاقتىڭ اپاتقا ۇشىراۋى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا، سونداي-اق بارشا الجير حالقىنا كوڭىل ايتىپ، قايعىلارىنا ورتاقتاستىعىمدى بىلدىرەمىن»، - دەلىنگەن جەدەلحاتتا.