الماتى مەن تاشكەنت اراسىنا اۆتوبۋس قاتىنايتىن بولدى

 تاشكەنت. قازاقپارات - بۇگىن وزبەكستان استاناسىندا «تاشكەنت - الماتى - تاشكەنت» حالىقارالىق اۆتوبۋس مارشرۋتىنىڭ اشىلۋى وتەدى، دەپ حابارلايدى «قازاقپارات» ح ا ا مەنشىكتى ءتىلشىسى وزبەكستان اۆتوموبيل كولىگى اگەنتتىگىنىڭ باسپا ءسوز قىزمەتىنە سىلتەمە جاساپ.

«تاشكەنت - الماتى» حالىقارالىق اۆتوبۋس مارشرۋتىنىڭ اشىلۋى 2018 -جىلدىڭ 11 - ساۋىرىندە ساعات 16-00 دە «تاشكەنت» اۆتوۆوكزالىندا وتەدى. 12 - ساۋىردەن باستاپ «تاشكەنت» اۆتوۆوكزالىنان كۇنىنە 3 رەيس (16:00, 17:00 جانە 18:00) قاتىنايتىن بولادى. «الماتى - تاشكەنت» باعىتىنداعى اۆتوبۋستار «سايرام» اۆتوۆوكزالىنان جولعا شىعادى.

مارشرۋتتىڭ قاشىقتىعى 818 شاقىرىم، جول ءجۇرۋ ۋاقىتى - 16 ساعات 30 مينۋت. جول اقىسى 100 مىڭ سۋم جانە سايكەسىنشە 4000 تەڭگە.

 بۇدان بولەك، اۆتوبۋس قوزعالىستارىنىڭ كەستەسىن ساقتاۋ ماقساتىندا كەدەنشىلەر مەن شەكاراشىلار «تاشكەنت - الماتى - تاشكەنت» باعىتى بويىنشا جولعا شىققان ۋاقىتتا «گيشت كۋپريك» بەكەتى (وزبەكستان) مەن «جىبەك جولى» بەكەتىندەگى (قازاقستان) راسىمدەرگە بايلانىستى ماسەلەلەردى شەشتى.