يوردانيادا قازاق دومبىراشىلارى تۋريستەردى تاڭعالدىردى - فوتو
بۇل ساپاردى يوردانياداعى ق ر ەلشىلىگى ۇيىمداستىرعان بولاتىن. دومبىراشىلار ءانسامبلى انتيكالىق امفيتەاتردا كۇي وينادى. سول جەردە بولۋ باقىتى بۇيىرعان تۋريستەردىڭ تاڭدانىسىندا شەك بولعان جوق.
ۇلتتىق كيىم كيگەن 85 مۋزىكانت اكۋستيكاسى ءالى كۇنگە دەيىن اشىق اسپان استىندا كونسەرت بەرۋگە لايىقتالعان امفيتەاتردا قازاقتىڭ ۇلتتىق مۋزىكاسىن اۋەلەتتى.
بۇدان كەيىن ساحنادا ارابتىڭ ۇلتتىق اسپاپتارىن ۇستاعان جەرگىلىكتى مۋزىكانتتار دا ونەر كورسەتتى.
ەستەرىڭىزگە سالا كەتەيىك، 8-10- ءساۋىر ارالىعىندا يوردانيانىڭ حاشيميت كورولدىگىندە قازاقستان رەسپۋبليكاسىنىڭ حالىق ءارتىسى، «شابىت» قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆانىڭ كونسەرتتەرى ءوتتى. بۇل ءىس-شارالار قازاقستان مەن يوردانيا اراسىنداعى ديپلوماتيالىق قاتىناستاردىڭ 25 جىلدىعىنا جانە «رۋحاني جاڭعىرۋ» مەملەكەتتىك باعدارلاماسىن جۇزەگە اسىرۋ اياسىندا ۇيىمداستىرىلدى.