قازاقپارات ح ا ا ازيانىڭ كوشباسشى ب ا ق-ى سامميتىنە قاتىسىپ جاتىر

سانيا. قازاقپارات - «قازاقپارات» ح ا ا باس ديرەكتورى اسقار وماروۆ بۇگىن بواو ازيا فورۋمى (ب ا ف) اياسىندا ازيا ەلدەرىنىڭ كوشباسشى ب ا ق سامميتىنە قاتىسىپ جاتىر، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

«بۇگىندە الەم ءجۇز جىلدا ءبىر بولاتىن وزگەرىستەردى باستان وتكەرىپ جاتىر. الەمدە، سونىڭ ىشىندە ازيادا بەيبىتشىلىك ورناۋى ءۇشىن بارلىق ەلدىڭ حالىقتارى بىرلەسىپ كۇش جۇمىلدىرۋى كەرەك. وسى باعىتتا ب ا ق تا ءوز موينىنا جاۋاپكەرشىلىك الۋى ءتيىس»، - دەدى قىتاي كوممۋنيستىك پارتياسى ورتالىق كوميتەتى ناسيحاتتاۋ ءبولىمىنىڭ باسشىسى حۋان كۋنمين مەدياسامميتتىڭ اشىلۋىندا.

مەدياسامميتتىڭ تاقىرىبى - «ازياداعى ب ا ق- ى ىنتىماقتاستىعىنىڭ جاڭا ءداۋىرى - ساب ا قتاستىق پەن يننوۆاتسيالىق دامۋ». شارانى بواو ازيا فورۋمىنىڭ حاتشىلىعى، قىتاي تەلەراديو كورپوراتسياسى، قىتايدىڭ جاريالى ديپلوماتيالىق قاۋىمداستىعى ۇيىمداستىرعان.

ءىس-شاراعا ازيا قۇرلىعىنداعى 40-تان استام مەملەكەتتىڭ 140-تان استام ب ا ق وكىلدەرى قاتىسىپ جاتىر. سامميت كەزىندە 4 پانەلدىك سەسسيا وتەدى: «ازيانىڭ بولاشاق بىرىككەن قوعامداستىعىن قۇرۋداعى ىنتىماقتاستىق پەن ب ا ق ارالىق بايلانىس»، «ءبىر بەلدەۋ، ءبىر جول» قۇرىلىسى مەن حالىقارالىق كوممۋنيكاتسيالار ءۇشىن جاڭا مۇمكىندىكتەر»، «رەفورمالىق ساياساتى پەن اشىقتىق قوعامعا 40 جىل: قىتايدىڭ دامۋى مەن جاھاندىق مۇمكىندىكتەرى»، «ازيا مادەنيەتىنىڭ قۇبىلۋى: الماسۋلار مەن ءوزارا تانىم».

ەسكە سالايىق، جىل سايىنعى بواو ازيا فورۋمى (ب ا ف) 8-11 -ءساۋىر ارالىعىندا ق ح ر حاينان ارالىندا ءوتىپ جاتىر. وعان الەمنىڭ بارلىق ەلدەرىنەن كەلگەن ساياسي، ىسكەر جانە عىلىمي سالالالاردىڭ 2 مىڭنان استام وكىلدەرى قاتىسىپ جاتىر.

10 -ءساۋىر كۇنى ب ا ف-2018 رەسمي اشىلۋىنا ق ح ر ءتوراعاسى شي جينپيڭ قاتىسپاق.