اتموسفەرالىق اۋا اعىندارىنىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن جاۋادى، تەك وڭتۇستىك- باتىستا جاۋىن- شاشىنسىز اۋا رايى بولجانادى.
رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى، وڭتۇستىك- شىعىسىندا نايزاعاي كۇتىلەدى، بۇرشاق جاۋۋى مۇمكىن.
جامبىل، وڭتۇستىك قازاقستان وبلىستارىنىڭ كەي جەرىندە جەل 15-20 م/س كۇشەيەدى، تۇندە تۇمان تۇسەدى. وڭتۇستىك قازاقستان، قىزىلوردا وبلىستارىنىڭ كەي جەرلەرىندە تۇندە 2 گرادۋسقا دەيىن ۇسىك ءجۇرۋى مۇمكىن.
اقمولا، قاراعاندى، شىعىس قازاقستا، سولتۇستىك قازاقستان، قوستاناي، پاۆلودار، ماڭعىستاۋ، باتىس قازاقستان، الماتى وبلىستارىندا 15-20 م/س جىلدامدىقپەن جەل سوعىپ، تۇمان، كوكتايعاق بولادى.