تۋلا قالاسىندا جەرگىلىكتى «ارسەنالمەن» وتكەن ماتچتا «قازاق مەسسيى» اتانعان قازاقستاندىق شابۋىلشى ويىن بىتۋگە ون مينۋتتان استام ۋاقىت قالعاندا، كوماندا كاپيتانى، قورعاۋشى بويان يوكيچتىڭ ورنىنا شىقتى.
بۇل كەزدە الاڭ يەلەرى 2:1 ەسەبىمەن جەڭىپ جاتقان-دى. ۋاقىت از بەرىلگەندىكتەن، ەركەبۇلان باۋىرىن جازىپ ۇلگەرمەدى.
اتالمىش كەزدەسۋدە «ارسەنال» «ۋفا» كومانداسىن اقىرى سول ەسەپپەن ۇتىپ، تۋرنير كەستەسىندە التىنشى ورىنعا كوتەرىلدى. ال «ۋفا» جەتىنشى ساتىعا سىرعىدى.
ەسكە سالا كەتەيىك، ون سەگىز جاسار ەركەبۇلان سەيداحمەتتىڭ «ۋفا» قۇرامىندا العاش رەت 10- ناۋرىز كۇنى باشقۇرتستان استاناسىندا «انجيمەن» وتكەن كەزدەسۋدە الاڭعا شىعىپ، گول سوعىلعان قوس بىردەي شابۋىلعا قاتىسقانىن جازعان بولاتىنبىز. ودان كەيىن قازاقستان قۇراماسى ساپىنداعى ءبىرىنشى ويىنىندا ۆەنگريا قاقپاسىنا گول سوققان ەدى.