قازاقستان مەن گونكونگ جاڭا تەحنولوگيالار سالاسىندا تاجىريبە الماسادى
ۋاعدالاستىق 4-6- ءساۋىر كۇندەرى ق ر باس كونسۋلدىعىنىڭ قولداۋىمەن ۇيىمداستىرىلعان جۇمىس كەزدەسۋلەرى اياسىندا بەكىتىلدى. اتاپ ايتقاندا، كەلىسسوزدەر گونكونگتىڭ باس اقپارات وفيتسەرى اللەن يانگ پەن گونكونگ مونەتارلىق باسقارماسىنىڭ قارجىلىق تەحنولوگيالارعا كومەكتەسۋ كەڭسەسىنىڭ باسشىلىعى تاراپىنان جۇرگىزىلگەن.
ودان بولەك، گونكونگتىڭ «Cyberport» IT- پاركىنىڭ، عىلىمي-تەحنولوگيالىق پاركتەر مەن گونكونگ ازيالىق-قارجىلىق تەحنولوگيالار ينستيتۋتىنىڭ وكىلدەرىمەن كەزدەسۋ ۇيىمداستىرىلعان.
كەلىسسوزدەر بارىسىندا قازاقستاندىق دەلەگاتسيا گونكونگتىڭ مەملەكەتتىك جەكە جانە قۇرىلىمدارىنا ق ر قارجى مينيسترلىگىنىڭ مەملەكەتتىك قىزمەت كورسەتۋىن سيفرلاندىرۋ پروتسەسى بويىنشا ەلەكتروندى كوممەرتسيالار ورتالىعىنىڭ قازىرگى قىزمەتى مەن ستراتەگيالىق مىندەتتەرىن تانىستىردى.
سونىمەن بىرگە، قازاقستاندىق تاراپ گونكونگتىڭ ەكونوميكانى سيفرلاندىرۋ، مەملەكەتتىك ورگاندار مەن بيزنەستەگى ەلەكتروندى قىزمەتتەرمەن جانە ەلەكتروندى كوممەرتسيا، قارجىلىق تەحنولوگيالار مەن ستارتاپ-يندۋستريانى دامىتۋ قارقىنىمەن تانىس بولدى.
گونكونگتىڭ بۇگىندە ءىرى ستارتاپ-ورتالىق ەكەنىن جانە ازياداعى دامىعان IT- يندۋسترياسى بار ەل ەكەنىن ەسكەرە وتىرىپ، قارجى مينيسترلىگى قىزمەتكەرلەرىنىڭ اقپاراتتىق تەحنولوگيالار سالاسىنداعى كادرلىق الەۋەتىن كوتەرۋ ماقساتىندا قوس تاراپ مەملەكەتتىك قىزمەت كورسەتۋ، بەيىندى ماماندار اراسىنداعى بايلانىستى ورناتۋ جۇيەسىنە IT- تاجىريبەلەردى ەنگىزۋ ماسەلەلەرى بويىنشا تاجىريبە الماسۋعا ۋاعدالاستى.