وبلىس ورتالىعى باسشىسىنىڭ ايتۋىنشا، پەتروپاۆلدىڭ 10 كوشەسىنە جوندەۋ جۇمىستارى جۇرگىزىلمەك. 23 شاقىرىمعا سوزىلعان بورديۋر اۋىستىرىلىپ، «جاسىل تولقىن» داتچيكتەرى بار 17 باعدارشام، 211 جول بەلگىسى ورناتىلادى. سونىمەن قاتار، الاڭعا 42 مىڭ «شارشى» كوگال- ءشوپ وتىرعىزىلىپ، 221 مىڭ شارشى مەتر جاياۋ جول جوندەلىپ، اسفالت جاڭارتىلادى.
35 شاقىرىم كوشە شامدارىن اۋىستىرۋ بويىنشا جوبالىق سمەتالىق قۇجاتتار دايىندالىپ، 51 ايالداما پاۆيلونى جاڭارتىلادى.
«پۋشكين كىتاپحاناسىنىڭ جانىنا كىتاپ ستەللاجى تۇرىندە، سپورت سارايىنىڭ ماڭايىنا حوككەي قاقپاسى بەينەسىندە، «جاستار» ستاديونى ماڭىندا فۋتبول قاقپاسى تۇرىندەگى ايالدامالار ورناتىلادى. وسىنداي ايالدامالار وسى ەكەۋىمەن عانا شەكتەلمەيدى، قالانىڭ بىرنەشە جەرىنە قويىلادى.»، - دەدى م. تاسماعامبەتوۆ.
كوكتەمدە پەتروپاۆل قالاسىنا 5,6 مىڭ قاراعاي كوشەتتەرى مەن 35 مىڭ مەتر كولەمىندە «جاسىل دۋال» تۇرىندەگى وسكىندەر ەگىلەدى.
«ءارتۇرلى تۇسكە يە وسكىندەردى پايدالانۋمىز كەرەك. بۇل قالا لاندشافتىمەن ۇيلەسىم تابۋى ءتيىس. قالا كوشەلەرىندەگى بارلىق زاڭسىز ساۋدا توقتاتىلادى. ەسكىرگەن جارنامالاردىڭ بارلىعى الىنىپ تاستالۋى كەرەك»، - دەدى وبلىس اكىمى قۇمار اقساقالوۆ.