«ەلوردانىڭ ءوز زاڭى بولۋى ءتيىس. استانا تۋرالى زاڭدا بارلىعى جازىلۋى كەرەك. استاناداعى ماسەلەلەردى شەشۋ ءۇشىن نىسانداردى قالدىق قۇنى بويىنشا ءسۇرىپ تاستاۋ قاجەت. قايداعى جوق ەسكى، قيراعالى تۇرعان ۇيگە باعانى شارىقتاتىپ، سول ارقىلى پايدا تاپقىلارى كەلەدى»، - دەدى نۇرسۇلتان نازاربايەۆ.
وسى رەتتە مەملەكەت باسشىسى ەكسپو اۋماعىنداعى قيراعالى تۇرعان ۇيلەردىڭ سۋرەتىن كورسەتتى.
«قاراڭدارشى، تۋرا قالانىڭ ىشىندە. مەن دە ءوتىپ بارا جاتىپ كورەمىن. پروبلەمالار دا بار شىعار. قابانباي باتىرمەن ءوتىپ بارا جاتقاندا، كوپىرگە تاياۋ تۇستا وڭ جاعىندا 20 جىل تۇرعان ءۇي بار. ءالى تۇر. ەشكىم ءسۇرىپ تاستاي الار ەمەس. ەكسپو اۋماعىنداعى ساياجاي الاپتارى دا بار. ارينە، بۇل رەتتە ماسەلەلەر دە بار. باعالارىن شارىقتاتىپ قويىپ وتىرعان شىعار»، - دەدى نۇرسۇلتان نازاربايەۆ.