Reuters اگەنتتىگى مەن Washington Post گازەتىنىڭ اتى-ءجونىن اتاماعان امەريكالىق شەنەۋنىككە سىلتەپ حابارلاۋىنشا، كرەملدىڭ 2016-جىلى ا ق ش پرەزيدەنتى سايلاۋىن كيلىگۋىنە جاۋاپ شارالارىن قابىلداۋ تۋرالى زاڭى اياسىندا كەم دەگەندە رەسەيدىڭ بەس ازاماتىنا سانكسيا سالىنباق.
Washington Post باسىلىمىنىڭ جازۋىنشا، جاڭا سانكسيا ا ق ش قارجى مينيسترلىگى قاڭتار ايىندا جاريالاعان تىزىمدەگى اۋقاتتى ادامدارعا سالىنادى. ول تىزىمگە مەملەكەتتىك «گازپروم» كومپانياسىنىڭ باسشىسى الەكسەي ميللەر، «روسنەفت» كومپانياسىنىڭ باسشىسى يگور سەچين سياقتى بيزنەسمەندەر بار.
Reuters- ءتىڭ حابارلاۋىنشا، جاڭا سانكسيا 5- ساۋىردە-اق جاريالاناتىنىن حابارلاسا، Washington Post سانكتسيا 6- ساۋىردە سالىناتىنىن جازدى.
ا ق ش سوڭعى رەت 15- ناۋرىزدا رەسەيلىك 19 ازامات پەن بەس ۇيىمعا، ونىڭ ىشىندە رەسەي بارلاۋ قىزمەتىنە قارسى سانكسيا سالعان. سانكسياعا ىلىنگەندەر ا ق ش- تاعى پرەزيدەنت سايلاۋى كامپانياسىنا كيلىگىپ، حاكەرلىك شابۋىلدار جاسادى دەپ ايىپتالعان.
ا ق ش كونگرەسىنىڭ كەيبىر مۇشەلەرى بۇعان دەيىن دونالد ترامپ اكىمشىلىگىن رەسەيگە سايلاۋ پروتسەسىنە كيلىككەنى ءۇشىن جەتكىلىكتى تۇردە جازا قولدانبادى دەپ سىناعان.
«ازاتتىق»