بيولوگيا جانە مولەكۋليارلىق پاتولوگيا ينستيتۋتىنىڭ زەرتتەۋ توبى جاساندى گەندى شىعارعان. اعزاعا ەنگىزىلگەننەن كەيىن ول ۋتروفيننىڭ شىعارىلا باستاۋىنا اسەر ەتەدى. ال ۋتروفين - ادام اعزاسىندا ديستروفيندى اۋىستىرىپ، ونىڭ قىزمەتىن اتقارا الاتىن اقۋىز. ادەتتە ديستروفيننىڭ جەتىسپەۋى بۇلشىق ەت ديستروفياسىنا اكەلىپ سوعادى. تىشقاندارعا جاسالعان تاجىريبەلەر جاساندى گەننىڭ تيىمدىلىگىن دالەلدەگەن. قازىرگى كەزدە ديۋشەن ديستروفياسى جازىلمايتىن گەنەتيكالىق اۋىر دەرت سانالادى.
ستاتيستيكالىق مالىمەت بويىنشا ءۇش جارىم مىڭ ۇل بالانىڭ بىرەۋى وسى اۋرۋمەن دۇنيەگە كەلەدى ەكەن. ناۋقاسقا شالدىققاندار 12 جاسىندا جۇرۋدەن قالىپ، جاستاي شەتىنەپ كەتەدى.
كلاۋديو پاسسانانتي، بيولوگيا جانە مولەكۋليارلىق پاتولوگيا ينستيتۋتىنىڭ قىزمەتكەرى:
- قازىرگى ماقساتىمىز - ويلاپ تاپقان ءادىسىمىزدى ادام ەمدەۋ ءۇشىن قالاي قولدانۋعا بولاتىنىن ءتۇسىنۋ. ەڭ باستىسى، بۇل فارماتسيەۆتيكالىق كومپانيالار وسى ەڭبەگىمىزگە قىزىعۋشىلىق بىلدىرۋىنە بايلانىستى بولىپ وتىر. عىلىمي زەرتتەۋ بارىسىندا قىرۋار قاراجات قاجەت ەتەتىن كەز كەلەدى، سول سەبەپتەن ونى جالعاستىرۋ ءۇشىن قولداۋ كەرەك.
www.24.kz