ايەل ادام اتىس قارۋىمەن ءۇش ادامدى جاراقاتتاپ، كەيىن ءوز-وزىنە قول سالدى

زارداپ شەككەن ءۇش ادام سان-فرانتسيسكوداعى تسۋكەربەرگ گوسپيتالىنە جەتكىزىلگەن.

اۋىر حالدە جاتقان 36 جاستاعى ەر ادام كۇدىكتىنىڭ سۇيىكتىسى بولعان، دەپ حابارلايدى CBS.

سونداي-اق، 32 جانە 27 جاستاعى ەكى ايەل جاراقاتتانعان. دارىگەرلەر ولاردىڭ جاعدايىن اۋىر جانە ورتاشا اۋىر دەپ باعالاپ وتىر.

سان-برۋنو پوليتسيا باستىعى ەد باربەريني وفيتسەرلەردىڭ وقيعا ورنىنا جەرگىلىكتى ۋاقىتپەن ساعات 12:48 دە جەتكەنىن ءمالىم ەتتى. پوليتسەيلەردىڭ ايتۋىنشا، وقيعا ورنىندا الاساپىران بولىپ، كوپ ادام قاشىپ قۇتىلعان.

باربەريني وق تيگەن ءبىر ادامنىڭ كومپانيا كەڭسەسىنىڭ الدىندا تابىلعانىن ءمالىم ەتتى. وفيتسەرلەر بىرنەشە مينۋت وتكەننەن كەيىن ءوزىن-ءوزى اتقان ايەل ادامنىڭ دەنەسىن تاپقان. تاعى ەكى زارداپ شەگۋشى جاقىن ماڭداعى مەيرامحانادان تابىلعان. ولارعا قىزمەتكەرلەر العاشقى كومەك كورسەتۋگە تىرىسقان.

وقيعا ورنىنان قاشىپ بارا جاتىپ جاراقات العان ءبىر ادام اۋرۋحاناعا جەتكىزىلگەن.

كۇدىكتى تابىلعاندا قولىندا تاپانشا بولعان. ونىڭ كىم ەكەنى حابارلانعان جوق.

 YouTube شتاب-پاتەرىندە 1700 ادام جۇمىس ىستەيدى. كومپانيا Google-عا تيەسىلى جانە سول اۋدانداعى ءىرى جۇمىس بەرۋشى سانالادى.