جاڭا ەرەجە بۇگىننەن باستاپ كۇشىنە ەندى. اسپان استى ەلى امەريكالىق ازىق- تۇلىك ونىمدەرىنىڭ باسىم بولىگىنە سالىق سالماق. بۇعان دەيىن قىتايدىڭ ساۋدا مينيسترلىگى ا ق ش تاراپىن رايىنان قايتارىپ، ەكى ەل اراسىنداعى ساۋدا- ساتتىقتى رەتكە كەلتىرۋگە تالپىنعان ەدى. ءبىراق بۇدان ەشنارسە شىقپادى.
رەسمي بەيجىڭنىڭ ويىنشا، ۆاشينگتوننىڭ بۇل قادامى دۇنيەجۇزىلىك ساۋدا ۇيىمىنىڭ جارعىلارىنا كەرەعار، سونداي- اق قىتاي مۇددەلەرىنە قايشى كەلىپ وتىر. «ونىڭ ۇستىنە ا ق ش پەن قىتاي اراسىنداعى ساۋدا سوعىسى ءتىپتى الەمدىك ەكونوميكاعا كەرى اسەرىن تيگىزۋى مۇمكىن»، - دەيدى اسپان استى مينيسترلىگىنىڭ وكىلدەرى.
گاو فەنگ، قىتاي ساۋدا مينيسترلىگىنىڭ وكىلى:
- ءبىز امەريكالىق تاراپتىڭ ءالسىز ەلدەردى باسىنىپ، وسىلايشا بۇل سالادا ءوز ۇستەمدىگىن ورناتۋىنا قارسىمىز. ەشقاشان ءوز مۇددەلەرىمىز بەن قۇقىقتارىمىزدان باس تارتپايمىز. ۆاشينگتوندى قىتاي مەن قۇراما شتاتتار اراسىنداعى الىس- بەرىسكە كەسىرىن تيگىزبەيتىن شارا قولدانۋعا شاقىرامىز.
www.24.kz