اۋعانستاندىق دارىگەرلەر استانادا بىلىكتىلىكتەرىن ارتتىرۋدا - فوتو
شارا قازاقستان رەسپۋبليكاسى سىرتقى ىستەر مينيسترلىگىنىڭ ۇيىمداستىرۋىمەن قازاقستانداعى بىرىككەن ۇلتتار ۇيىمىنىڭ دامۋ باعدارلاماسىنىڭ (ب ۇ ۇ د ب) جانە (JICA) جاپون حالىقارالىق ىنتىماقتاستىق اگەنتتىگىنىڭ جاردەم كورسەتۋىمەن وتۋدە.
سەميناردىڭ اشىلۋ سالتاناتىنا ەلىمىزدىڭ سىرتقى ىستەر جانە دەنساۋلىق ساقتاۋ مينيسترلىكتەرىنىڭ باسشىلىقتارى، قازاقستانداعى جاپونيا مەن اۋعانستان ەلشىلىكتەرىنىڭ جانە ب ۇ ۇ د ب وكىلدىگىنىڭ لاۋازىمدى تۇلعالارى قاتىستى.
سەمينار قازاقستاننىڭ اۋعانستانعا كورسەتىپ جاتقان دامۋعا رەسمي كومەك اياسىندا ۇيىمداستىرىلعان جانە انا مەن بالا دەنساۋلىعىن نىعايتۋعا باعىتتالادى. ءىس-شارا قاتىسۋشىلارىنىڭ � دان استامى اۋعان ايەلدەرى بولدى.
ەكى اپتالىق سەمينارعا اۋعانستاننىڭ دەنساۋلىق ساقتاۋ سالاسىندا قىزمەت اتقاراتىن 30 وكىلى قاتىسادى. قاتىسۋشالاردىڭ انا مەن بالا دەنساۋلىعىنا باعىتتالعان قازاقستاننىڭ دەنساۋلىق ساقتاۋ جۇيەسىمەن، پەريناتالدىق ورتالىقتار جۇمىسى قاعيدالارى مەن ولاردىڭ قۇرىلىمىمەن تانىسۋى كۇتىلۋدە. سەمينار شەڭبەرىندە انا مەن بالا ۇلتتىق عىلىمي ورتالىعىنىڭ اكۋشەرلىك جانە جان ساقتاۋ بولىمشەلەرىمەن، جاڭا تۋىلعان بالالار مەن سوماتيكالىق پەدياتريا بولىمشەلەرىمەن تانىسۋ ۇيىمداستىرىلاتىن بولادى.
سەمينار قاتىسۋشىلارى ءۇشىن سونىمەن قاتار، اياعى اۋىر جانە بالا تۋۋ كەزىندەگى اسقىنۋلاردى ەمدەۋدەگى جەتەكشى تەحنولوگيالاردى قولدانۋ ماسەلەلەرى، اۋىلدىق جەرلەردە جاڭا تۋىلعان بالالارعا مەديسينالىق قىزمەت كورسەتۋ جانە باسقا دا ماسەلەلەر بويىنشا دارىستەر وقىلاتىن بولادى. ءدارىس بەرۋشىلەر رەتىندە دەنساۋلىق ساقتاۋ ءمينيسترى ەلجان ءبىرتانوۆ، سونداي-اق جوبانى ىسكە اسىرۋدا نەگىزگى ارىپتەستەردىڭ ءبىرى بولىپ تابىلاتىن نازاربايەۆ ۋنيۆەرسيتەتىنىڭ پروفەسسورلارى جۇمىلدىرىلادى.
اتالعان سەمينار دەنساۋلىق ساقتاۋ سالاسىندا قىزمەت ەتەتىن اۋعان ايەلدەرىنىڭ الەۋەتىن ارتتىرۋ ارقىلى قازاقستاندىق تاجىريبەمەن ءبولىسۋ جولىمەن اۋعانستاندى ودان ءارى دامىتۋ بويىنشا حالىقارالىق قاۋىمداستىقتىڭ كۇش- جىگەرىنە قازاقستاننىڭ كەزەكتى ۇلەسىن قوسادى.
ايتا كەتەيىك، وسى جوبانى ىسكە اسىرۋ تۋرالى ۋاعدالاستىق قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن جاپونيا پرەمەر-ءمينيسترى سيندزو ابە 2015 -جىلعى قازاندا جاپون كوشباسشىسىنىڭ استاناعا جاساعان رەسمي ساپارى بارىسىندا قابىلدانعان قازاقستان رەسپۋبليكاسى مەن جاپونيا اراسىنداعى ستراتەگيالىق ارىپتەستىكتى تەرەڭدەتۋ مەن كەڭەيتۋ تۋرالى بىرلەسكەن مالىمدەمەدە كورىنىس تاپقان.