اگەنتتىك اقپاراتى بويىنشا، كيم چەن ىن مەن توماس باح الداعى وليمپيادا ويىندارىنا سولتۇستىك كورەيانىڭ قاتىسۋ جايى تالقىلاعان. اڭگىمە 2020 -جىلى توكيودا، ال 2022 -جىلى پەكيندە وتەتىن وليمپيادا ويىندارى تۋرالى وربىگەن.
اگەنتتىككە بەرگەن سۇحباتىندا باح كەزدەسۋ «ناتيجەلى بولعانىن» ايتقان. ونىڭ سوزىنشە، كيم چەن ىن بيىل قىستا پحەنچحاندا وتكەن قىسقى وليمپيادا ويىندارى اشىلۋىندا وڭتۇستىك كورەيا مەن سولتۇستىك كورەيا سپورتشىلارىنىڭ بىرگە شىعۋىن «بەيبىت ديالوگقا ماڭىزدى ۇلەس قوسۋ» دەپ اتاعان.
كيم چەن ىن حالىقارالىق وليمپيادا كوميتەتىن سولتۇستىك كورەيادا سپورتتى دامىتۋ جانە ارىپتەستىكتى ودان ارى قاراي جالعاستىرۋعا شاقىرعان. ول باحتى سولتۇستىك كورەياعا «دوس رەتىندە» كەلىپ قايتۋعا شاقىردى دەپ حابارلادى سولتۇستىك كورەيانىڭ ورتالىق مەملەكەتتىك تەلەگراف اگەنتتىگى.
www.azattyq.org