موڭعولدىڭ مالى جايىلىمدارعا سىيماي جاتىر

بۇل بارلىق مال سانىنىڭ تەك 5,9 پروتسەنتى عانا، دەپ حابارلايدى قازاقپارات ءتىلشىسى.

رەسمي مالىمەتكە سايكەس، موڭعوليادا قويدىڭ سانى 30 ميلليوننان اسادى. ەشكى باسى 27,3 ميلليون بولسا، سيىر مەن قوداس 4,4 ميلليون باسقا تەڭ. موڭعول حالقىنىڭ ۇشتەن ءبىرى اۋىل شارۋاشىلىعى سالاسىندا ەڭبەك ەتەدى. قازاقستاننىڭ موڭعولياداعى توتەنشە جانە وكىلەتتى ەلشىسى قالىبەك قوبلانديننىڭ ايتۋىنشا، بۇگىندە مال باسىنىڭ كوپتىگىنە بايلانىستى جايىلىم جەرلەرىنىڭ تاپشىلىعى تۋىنداپ وتىر. حالىق بوس جايىلىمداردى تاپپاي ءجۇر.

«قازىرگى كەزدە مال باسىنىڭ جالپى سانى 66,2 ميلليوندى قۇرايدى. بيىل كوكتەمدە اتالعان كورسەتكىش 70 ميلليوننان اسادى دەگەن بولجام بار. سوندىقتان وسى ەلدە تۋىنداعان باستى ماسەلە - ەت ونىمدەرىن ەكسپورتقا شىعارۋ. ءبىراق مالدى اسىلداندىرۋ جانە سانيتارلىق-ەپيدەميولوگيالاق سالادا ءبىراز شارۋانى اتقارۋ قاجەت. سوڭعى كەزدەرى تەرريتوريانىڭ ۇلكەن بولعانىنا قاراماستان، موڭعوليادا جايىلىم جەرلەرىنىڭ تاپشىلىعى تۋىنداي باستادى»، - دەدى ق. قوبلاندين استانادا وتكەن باسپا ءسوز ءماسليحاتىندا.

ايتا كەتەيىك، موڭعوليانىڭ تەرريتورياسى 1566000 كم² قۇرايدى. ال قازاقستان ودان ەكى ەسەگە ۇلكەن - 2 725 00 كم². ستاتيستيكا كوميتەتىنىڭ مالىمەتىنە سايكەس، 2018-جىلدىڭ 1- ناۋرىزدا ەلىمىزدە جىلقىنىڭ سانى 2,3 ميلليون باس بولدى. ءىرى قارا مال 7,1 ميلليوندى قۇراسا، قويدىڭ سانى 19 ميلليوننان استى.