باكۋدە قازاق ۇلتتىق حورەوگرافيا اكادەمياسى ونەر كورسەتەدى

استانا. قازاقپارات - بۇگىن، 30- ناۋرىزدا باكۋدە قازاق ۇلتتىق حورەوگرافيا اكادەمياسىنىڭ گالا كونسەرتى وتەدى، دەپ حابارلايدى azertag.az.

وسى ءىس-شارا الدىنداعى وتكەن بريفينگتە اكادەميانىڭ كاسىبي ءبىلىم بەرۋ مەكتەبىنىڭ جەتەكشىسى سۆەتلانا كوكشينوۆا وزدەرىنىڭ باكۋگە الەمدىك بالەت جاۋھارلارىن اكەلگەنىن ايتقان. كورەرمەندەر زاماناۋي جانە قازاق ستيلىندەگى حورەوگرافيانى تاماشالاي الادى.

سۆەتلانا كوكشينوۆا گالا-گونسەرت ازەربايجاندا تۇڭعىش رەت وتەتىنىن ايتتى. «بۇل جەردەگى ساحنا جاي عانا تاڭدالىپ وتىرعان جوق، قازاقستان مەن ازەربايجان ءتۇبى ءبىر باۋىرلاس تۇركى حالىقتارى»، - دەدى ول.

ەكى ەلدىڭ دە ۇلتتىق حورەوگرافيا اكادەميالارى بۇرىننان تىعىز قارىم-قاتىناستا.