شەرحان مۇرتازانىڭ قاناتتى سوزدەرى
دارىندى دارىن تانيدى.
***
ايتسا، دۋالى اۋىز ايتسىن.
***
شىندىقتى اقتارىلا ايتۋ - قيىننىڭ قيىنى.
***
مادەنيەتتىڭ مايەگى - كىتاپ.
***
زاڭ دەگەنىمىز - نوقتا.
***
اۋىل كەتسە، ۇلتتىڭ ۇيتقىسى كەتەدى.
***
پەيىلى جاماندى قۇداي تابادى.
***
شىن جازۋشىنىڭ كوزى كوكىرەگىندە بولادى.
***
شىندىق - اشى ءھام اجارسىز.
***
رۋحاني ازىپ- توزۋ - ولىممەن تەڭ.
***
كۇيرەگەن رۋحتى قايتا كوتەرۋ - مىنە، قازىرگى تاڭداعى باستى ماقسات وسى!
***
انا ءتىلىمىزدىڭ مارتەبەسىن كوتەرۋ - باسقا تىلدەردىڭ جولىن كەسىپ، باعىن بايلاۋ ەمەس. «ءوزىڭ ولمە - وزگەنى دە ولتىرمە» دەگەن ءسوز. زورلىقپەن تۇنشىقتىرىلعان قازاق ءتىلىن ءتىرىلتۋ ارەكەتى. وسى دا ۇلتشىلدىق پا؟ جوق، الدە الدەكىمدەردىڭ كوڭىلىنە قاراپ ولە بەرۋ كەرەك پە؟ ***
وڭاي ولجا بەرمەيدى.
***
وكىنىش ءتۇبى - ءورت.
***
ۋلى ارانىڭ دەنەسىنەن ءتاتتى بال تامشىلايدى.
***
سەنىم جوعالعان ءومىر - سەرگەلدەڭ ءومىر.
***
ساقتاساڭ، قازاققا جاۋ بولعان قازاقتان ساقتا!
***
شيكى دولبار شيكى ويدان تۋادى.
***
رۋحاني الەمى كەڭ، رۋحى بيىك ەل - قايسار ەل. ونداي ەلدى ەشكىم جەڭە المايدى. رۋحى سىنعان، رۋحاني جۇدەگەن ەلدى جەڭۋ دە جەڭىل.
***
اسكەرگە مىلتىقتان بۇرىن، ءتارتىپ پەن يمان ۇيرەتۋ كەرەك.
***
تاۋەلسىزدىك ادام قۇنىمەن ولشەنەدى.
***
تەاتر كوبەيسە، تۇرمە ازايادى.
***
كۇنانىڭ ەڭ ۇلكەنى - جاس بالانى الداۋ.
***
تۋرا كەلگەن اجالعا امال جوق. ال تەجەي تۇرۋعا بولاتىن ساتتە كوپە- كورنەۋ قول ۇشىن بەرمەۋ - ناعىز تاسقۇدايلىق.
***
التىن بار جەردە ءازازىل بار.
***
موينىڭا قارىز قارعىباۋىن تاعىپ العاننان ارتىق اۋىر نارسە جوق.
***
تاۋەلسىزدىكتىڭ جولى - قاتتى، ءدامى - ءتاتتى.
***
تەلەديدار - قۇدىرەتتى كۇش. ول دا باياعى ەرتەكتەگى ءداۋ پەرى سياقتى: كىمنىڭ «سيقىرلى ساقيناسى» بار - سونىڭ قۇلاقكەستى قۇلى. «ادامداردى جاپپاي ماڭگۇرت ەت» دەسە، ماڭگۇرت ەتە سالادى. «جاپپاي يماندى ەت» دەسە، يماندى ەتە الادى.
***
جاڭانىڭ تامىرى - كونە.
***
ۋاقىت - ەلەۋىش: كەز كەلگەن ءىس- ارەكەتتى، وقيعانى ءمان- ماعىناسىنا قاراي ەلەپ- ەكشەپ وتىرادى.
***
جەر- انانىڭ وكپە- باۋىرى - ورمان. شىبىق شانشى، تال تىك!
***
وتىرىك ماقتاۋ - اسقا ۋ قوسىپ بەرۋمەن بىردەي.
***
جاۋ جامانى - جارامساق.
***
تاريحي كەزەڭدەر قايتالاناتىن سياقتى: جوعالعاندى تابۋ، شاشىلعاندى جيناۋ مىندەتى تاعى دا الدىمىزدان شىعىپ تۇر.
***
رۋح ازسا، نامىس توزادى.
***
وپتيميست بولعان جاقسى، رەاليست بولعان ودان دا جاقسى.
***
ونسىز دا كىرلەنگەن دۇنيەنى كىر باسقان دۇربىمەن قاراۋعا بولمايدى.
***
«قالا! قالا!» دەگەنمەن، قالا قازاققا ءتورىن بەرىپ جاتقان جوق. ءتورى تۇرماق، بوساعاسىنان ورىن تابا الماي جۇرگەندەر قانشاما.
***
ادامدى اقىلىنان، جىگەرىنەن اجىراتساڭ، ار جاعى كەۋىك: ءتۇرتىپ قالساڭ، قۇلاي بەرەدى. مۇنداي توبىر سازبالشىققا يلەۋگە وتە يكەمدى.
***
رۋح پەن نامىس - ەگىز.
***
ءبىر ادامنىڭ رۋحسىز بولۋى - سور، ال تۇتاس ۇلتتىڭ رۋحىنان ايىرىلۋى - قاسىرەت!
Massaget.kz