سەناري اۆتورى، فيلمنىڭ سو پروديۋسەرى دانيار اقشابايەۆ قازاقستان نارىعىندا قورقىنىشتى فيلمدەردىڭ جوقتىعىن اتاپ ءوتتى.
«ءىس ساپاردان كەلە جاتىپ، حوررور- كۆەستتىڭ يدەياسىن ويلاستىرا باستادىم. وسىنى تۇگەل قيىستىرۋعا جارتى جىل ۋاقىتىم كەتتى. ارينە، باسىندا وسىنداي جۇمىسپەن اينالىسۋعا جۇرەكسىندىم. ءبىراق كوماندانىڭ ارقاسىندا قيىندىقتى جەڭۋگە تۋرا كەلدى. پوستپروداكشن جۇمىسى دا جامان ەمەس. ودان بولەك مەن ءوزىم دىبىس رەجيسسەرى بولۋىما تۋرا كەلدى. ويتكەنى، قازاقستاندا حوررور جانرىندا فيلمدەردىڭ دىبىسىن جازاتىن كاسىبي مامان جوق ەكەن» ، - دەدى دانيار اقشابايەۆ.
ءتۇسىرىلىم توبى گولليۆۋد كينولارىنان ارتىق بولماسا، كەم تۇسپەيتىن كينو تۇسىرۋگە تىرىسقان.
كينونىڭ يدەياسىنان باستاپ، ءتۇسىرىلىم جۇمىستارىنا دەيىن 2 جىل ۋاقىت وتكەن.
«نەگىزىنەن ءتۇسىرىلىم جۇمىستارىنىڭ% 90 ى تۇنگى ۋاقىتتا جۇرگىزىلگەن. كەشكى 7 دەن تاڭعى 7 گە دەيىن. بىلتىر قىركۇيەكتە اۋا رايى وتە سالقىن بولدى» ، - دەدى سەناري اۆتورى دانيار اقشابايەۆ.
جۇمىس بارىسىندا اكتەرلەردىڭ وزدەرى ميستيكالىق قۇبىلىستاردى بايقاي باستاعان.
«ءتۇسىرىلىم الاڭىندا بارلىق ادامداردا قورقىنىش بولدى. اكتريسا ءسابينا ەرالينا ءوزىن تۋ سىرتىنان بىرەۋ تۇرتكەنىن ايتتى. سۇراستىرا كەلە ونىڭ ارتىندا ەشكىم تۇرماعانى بەلگىلى بولدى. قورىققانعا قوس كورىنەدى دەگەندەي، ءتۇسىرىلىم الاڭىندا شىنايى قورقىنىشتى احۋال تۋدى» ، - دەدى دانيار.
نەگىزگى ەپيزودتار المااراسان مەن باۋم باعىندا تۇسىرىلگەن. ەكى ايدان سوڭ تولە بي روزىباكيەۆ كوشەسىنەن قاڭىراپ قالعان عيمارات تابىلعان.
ال باۋم باعىندا ءتۇن ىشىندە ايعاي مەن شۋ ەسستىلگەن كەزدە ادامدار پوليتسيا شاقىرعان.
«پوليتسيا كەلگەندە بۇتاقتاردىڭ اراسىنان قانعا بويالعان اكتەر شىقتى. قۇقىق قورعاۋشىلارعا ءبارىن تولىق تۇسىندىردىك. ولار بىزگە ساتتىلىك تىلەپ ءوز جولدارىمەن كەتتى» ، - دەدى دانيار.
«ۆو مراكە» فيلمى ويدان شىعارىلعان وقيعاعا نەگىزدەلگەن. ءبىر توپ جاس قاڭىراپ قالعان بوس ورىندارعا حيكايا ىزدەپ بارىپ، تۇزاققا ءتۇسىپ قالادى.
باستى رولدەردە دانيار بەيسوۆ، سابينا ەرالينا، رىسقۇل قوناقبايەۆ، پارحات جاليلوۆ، ماكسيم بوگومولوۆ، نازەركە ءامىروۆا، الماس جاراسقان ويناعان.
ال، ءىبىلىستىڭ ءرولىن البان كارىم ۇلى مەن ديار ءمىرسادىقوۆ سومداعان.
قازاقستان پروكاتىنا العاشقى حوررور- فيلم 19- ساۋىردە شىعادى. ودان كەيىن ءساتىن سالسا، حالىقارالىق كينوفەستيۆالدەرگە دە اپارۋ جوسپاردا بار.