اقپاراتتىق تەحنولوگيا بويىنشا ورتا ازيادا قاي ەل كوش باستاۋى مۇمكىن
«تەحنولوگيا قىرعىزستاندى جەتەكشى ەلدەردىڭ قاتارىنا قوسادى. مۇندا بيزنەس يدەيا قاۋىمداستىعى سەرپىندى دامۋدا. جاڭا يدەيالار تۋرالى باستامالاردى ۇكىمەت نەمەسە وقۋ ورىندارى ەمەس، جەكەلەگەن ادامدار كوتەرۋدە»، - دەدى جوعارى تەحنولوگيالىق جوبالاردىڭ دامۋىنا جاردەم كورسەتەتىن، ىقپال ەتەتىن KG Labs قوعامدىق قوردىڭ جەتەكشىسى ءازىز سولتوبايەۆ. اقپاراتتىق تەحنولوگيا (IT) سالاسى بۇگىنگى تاڭدى كەڭىنەن قانات جايىپ كەلەدى، ال ونىڭ جىلدام دامۋىنا قىتاي جۇزەگە اسىرىپ جاتقان «ءبىر بەلدەۋ - ءبىر جول» اتتى كونسەپسياسى ءوز اسەرىن تيگىزۋدە.
«جاڭا جىبەك جولى» (اتالعان جوبانىڭ تاعى ءبىر اتاۋى) قىرعىزستان اۋماعى ارقىلى وتەدى جانە كەلەشەكتە تىنىق مۇحيتىنان اتلانت مۇحيتىنا دەيىنگى ءبىرىڭعاي ەكونوميكالىق تەرريتوريانىڭ ءبىر بولشەگىنە اينالادى. بۇل ءوز كەزەگىندە اقپاراتتىق تەحنولوگيانىڭ جاندانۋىنا مۇددەلى جوبا بولعاندىقتان قىرعىزدار دا بۇل سالادا قول قۋسىرىپ قاراپ وتىرمايتىن بولادى.