كارتينا كەڭەس وداعىنىڭ كلاسسيكالىق كۇرەسشىسى، الەم چەمپيونى، وليمپيادا چەمپيونى، ك س ر و ەڭبەك سىڭىرگەن سپورت شەبەرى (1980) ، قازاق ك س ر- نىڭ ەڭبەك سىڭىرگەن جاتتىقتىرۋشىسى - جاقسىلىق ۇشكەمپىروۆتىڭ ءومىرى تۋرالى باياندايدى. فيلمنىڭ رەجيسسەرلەرى - باقىت قايىربەكوۆ پەن الەكسەي كامەنسكي.
«قازاقفيلم» كينوستۋدياسى اتالعان جوباعا باستى جانە ەپيزودتاعى رولدەردەگى اكتەرلەر كاستينگىن جاريالايدى. تالاپ بويىنشا، اتالمىش كارتيناعا 5-7 جاس ارالىعىنداعى ۇل بالالار (جۇزە ءبىلىپ، اتقا مىنە الۋى قاجەت) ، 9-15 جاس ارالىعىنداعى قىز بالالار، 15-29 جاس ارالىعىنداعى ارىقتاۋ كەلگەن جاس سپورتشىلار (كۇرەسە ءبىلۋى قاجەت) ، 30 دان 60 جاسقا دەيىنگى سپورتشى ەر ادامدار (كۇرەسە ءبىلۋ قاجەت) ، 18-22 جاس ارالىعىنداعى ستۋدەنت قىزدار مەن 20 دان 60 جاس ارالىعىنداعى ەرلەر مەن ايەلدەر كەرەك.
«كاستينگكە قازاق ءتىلىن مەڭگەرگەن بارلىق ۇلت وكىلدەرىن شاقىرامىز. بارلىق ۇمىتكەرلەر وزدەرى تۋرالى انكەتالىق اقپاراتتى (اتى- ءجونى، جاسى، بويى، سالماعى، كينوداعى تاجىريبەسى، بايلانىس تەلەفوندارى) تولتىرىپ، سونداي- اق، فوتوعا ءتۇسىپ (تۇلا بويى، ءىرى پلاندا انفاس جانە ءىرى پلاندا پروفيل) e-mail: mergen_kasting_kz@mail.ru ەلەكتروندى پوشتاسىنا جىبەرۋلەرى قاجەت» ، - دەلىنگەن حابارلامادا.
ءتۇسىرىلىم توبىنىڭ تالاپتارىنا سايكەس كەلگەن ۇمىتكەرمەن كاستينگ- ديرەكتور ءوزى حابارلاسىپ، اكتەرلىك سىناققا شاقىرادى.
فوتو: voxpopuli.kz