قىتايدىڭ الەۋمەتتىك جەلىلەرىندە بۋراباي كۋرورتى تۋرالى مالىمەتتەر جاريالانادى

كوكشەتاۋ. قازاقپارات - قىتايدان كەلگەن بلوگەر- جۋرناليستەر بۋراباي كۋرورتتىق ايماعىنا ساياحات جاسادى، دەپ حابارايدى قازاقپارات اقمولا وبلىستىق ىشكى ساياسات باسقارماسىنا سىلتەمەمەن.

اقمولا وبلىسىنىڭ تۋريستىك اقپارات ورتالىعى Chinese Friendly Kazakhstan كومپانياسىمەن جانە «بۋراباي دامۋ» ج ش س- مەن بىرلەسە بلوگەر-جۋرناليستەرگە ارنالعان بلوگ-تۋر ۇيىمداستىردى.

Chinese Friendly Kazakhstan كومپانياسى قىزمەتىنىڭ نەگىزگى مىندەتتەرى - قازاقستاننىڭ تۋريستىك نىساندارىن ق ح ر نارىعىندا ىلگەرىلەتۋ، تانىستىرۋ، ناسيحاتتاۋ، سىرتقى تۋريزمدى دامىتۋ. وسىعان ساي جۋىردا استانا مەن الماتى قاالارىنىڭ اۋماعىندا travel بلوگەر- جۋرناليستەردىڭ قاتىسۋىمەن بلوگ-تۋر ۇيىمداستىرىلدى.

بۇل تۋرعا قىتايدان تانىمال 4 بلوگەر-جۋرناليست قاتىستى. ولاردىڭ وقىرماندار اۋديتورياسى شامامەن 70 ميلليون ادامدى قۇرايدى.

بلوگەرلەرگە بۋرابايدىڭ اسەم تابيعاتى كورسەتىلدى. ولار، سونداي-اق، قازاق حالقىنىڭ مادەنيەتى، سالت-داستۇرىمەن تانىستى. تۋردىڭ العاشقى كۇنى ولار «قازاقستانداعى لاپلانديا» اتاۋلى پاركىن تاماشالاپ، جۇمباقتاسقا ساپار شەكتى. ەكىنشى كۇنگى جوسپارعا جاڭا رەسپۋبليكاللىق شاڭعى بازاسىنا جانە ابىلاي حان الاڭىنا بارۋ ەنگەن.

جول بويىندا بلوگەرلەر فوتوعا ءتۇسىپ، اسەم تابيعاتتان العان اسەرلەرىن وقىرماندارىمەن بولىسۋگە مۇمكىندىك الدى. كەيىن بارلىق سۋرەتتەر، ماقالالار ولاردىڭ الەۋمەتتىك جەلىدەگى بارلىق اككاۋنتتارىندا جاريالانباق.