72 جاستاعى مەيتاتسۋ ياگي حالىقارالىق مەيبۋكان گودزيۋ- ريۋ كاراتە- دو قاۋىمداستىعىنىڭ قۇرمەتتى پرەزيدەنتى. كاراتەنىڭ نەگىزىن قالاعان كانريونىڭ شاكىرتى. ناۋرىز مەرەكەسى كەزىندە الماتىعا ارنايى كەلگەن مارتەبەلى مەيمان قازاقتىڭ مادەنيەتى مەن سالت- داستۇرىنە ءتانتى بولىپ، ەلىمىزدەگى گودزيۋ- ريۋ كاراتە شەبەرلەرىنىڭ ونەرىن تاماشالادى.
مەيتاتسۋ ياگي، حالىقارالىق مەيبۋكان گودزيۋ- ريۋ كاراتە- دو قاۋىمداستىعىنىڭ قۇرمەتتى پرەزيدەنتى:
- مەن قازاقستانداعى گودزيۋ- ريۋ كاراتە- دو قاۋىمداستىعى باسشىلارىنىڭ شاقىرتۋىمەن كەلىپ وتىرمىن. قازىرگى تاڭدا كاراتەنىڭ بۇل ءتۇرى الەمنىڭ كوپتەگەن ەلىندە قارقىندى دامىپ كەلەدى. نۇرلان كەرىمبايەۆ باسشىلىق ەتەتىن قاۋىمداستىقتا قىرۋار شارۋا اتقارعانىن كوردىم. بۇگىنگى جارىستا گودزيۋ- ريۋدىڭ قىر- سىرىن جەتىك مەڭگەرگەن جاستار ءوز ونەرلەرىن پاش ەتتى.
گودزيۋ- ريۋ كاراتەڭىز تاريحى تەرەڭدە جاتقان شىعىس جەكپە- جەگىنىڭ ءبىر ءتۇرى. ياعني كوبىنەسە قورعانۋ ءتاسىلىن ۇيرەتەتىن قويان- قولتىق ۇرىس.
نۇراددين سادىق، گودزيۋ- ريۋ كاراتە- دو فەدەراتسياسىنىڭ اتقارۋشى ديرەكتورى:
- كاراتە جالاڭاش قولمەن سامۋرايلاردىڭ قىلىشىنا قارسى شىققان بولاتىن بولسا، سول ءۇشىن ويلاپ تابىلعان بۇل سول قالپىن ساقتاپ قالعان جەكپە- جەكتىڭ ءتۇرى. قازاقستاندا دا الداعى 5-10 جىلدا گودزيۋ- ريۋ كاراتەمەن ايلانىساتىن حالىقتىڭ سانى كەمىندە 20 مىڭعا جەتكىزەمىز دەگەن جوسپارىمىز بار.
مەيتاتسۋ ياگيدىڭ كەلۋىنە وراي الماتىدا گودزيۋ- ريۋ كاراتەدەن ەل بىرىنشىلىگىنىڭ جالاۋى جەلبىرەدى. ەكى كۇنگە سوزىلعان جارىستا ۇمىتكەرلەر بىرنەشە سالماق دارەجەسى بويىنشا باق سىنادى. ەلامان مىقتىبەك پەن الىشەر جارىلقاسىن، ەراسىل ارعىنبايەۆ پەن سۇلەيمەن ءابدىماناپ، ادەل اكىمبەك پەن جانبولات جانمانقارايەۆتار ءوز سالماقتارى بويىنشا ەل چەمپيوندارى اتاندى.
www.24.kz