ا ق ش پەن قىتاي اراسىنداعى ساۋدا سوعىسىنان الەمدە ەكونوميكالىق داعدارىس ورىن الۋى مۇمكىن بە

استانا. قازاقپارات - ەكونوميكا سالاسى بويىنشا نوبەل سىيلىعىنىڭ لاۋرەاتى روبەرت شيللەر باستالعانىنا كوپ ۋاقىت وتە قويماعان ەكى الىپ دەرجاۆانىڭ اراسىنداعى ساۋدا سوعىسىنا بايلانىستى الەمدە ەكونوميكالىق داعدارىس ورىن الۋى مۇمكىن ەكەنىن مالىمدەدى.

ا ق ش بيلىگىنىڭ پارمەنىمەن قىتاي تاۋارلارىنا سالىقتى وكىرتىپ سالۋىنان الدىمەن امەريكالىق بيزنەس زارداپ شەگەدى. ويتكەنى، قىتايلىق جابدىقتاۋشىلاردىڭ قاراسى كەميتىندىكتەن امەريكالىق كاسىپكەرلەر كوپ نارسەنى باسىنان قايتا باستاۋىنا تۋرا كەلەدى.

بۇل ءوز كەزەگىندە ۋاقىت پەن قارجىلىق شىعىندى تالاپ ەتەدى. ءسوز ورايى كەلگەندە ساۋدا سوعىسىنان ەشبىر تاراپ جەڭىسكە جەتپەيدى. تەك ەكونوميكالىق مۇددەلەرى زارداپ شەككەننەن ەشبىر پايداسى جوق. ەكونوميست عالىم وسىلاي دەي كەلە بيزنەس تەك تاريفتى ەنگىزۋدەن عانا شىعىنعا باتىپ قويماي، سونىمەن قاتار، ينۆەستيسيا مولشەرى ايتارلىقتاي كەميدى.

بۇل ەكى ەل اراسىنداعى ساۋدا سوعىسىنىڭ ارتى رەتسەسسياعا ۇلاسپاق. سارابدال ساراپشىنىڭ پىكىرى وسىنداي.

ەستەرىڭىزگە تاعى ءبىر مارتە سالا كەتكەندى ءجون كورىپ وتىرمىز، اق ءۇي قوجايىنى دونالد ترامپ قىتاي تاۋارلارىنا، سونىڭ ىشىندە، بولاتقا 25 پايىز، ال قالايىعا 10 پايىز باج سالىعىن ەنگىزۋ تۋرالى جارلىققا قول قويعان ەدى.

اتالعان جارلىق ناۋرىز ايىنىڭ 23 ى كۇنى كۇشىنە ەندى. بۇدان قىتاي تاراپى 60 ميلليارد دوللار شىعىن كورمەك. قىتاي بيلىگى دە قاراپ قالمايتىنىن، قارىمتا جاۋاپ قايتاراتىنىن مالىمدەدى. ناقتىراق ايتقاندا، امەريكالىق اۋىل شارۋاشىلىق ونىمدەرىنە، سونىڭ ىشىندە، سوياعا، دوڭىزعا، ت. ب. سالىق ەنگىزەتىنىن جەتكىزدى.

ءسوز سوڭىندا روبەرت شيللەر تۋرالى كەڭىرەك توقتالا كەتسەك، ول يەل ۋنيۆەرسيتەتىندە ءدارىس بەرەدى 2013 -جىلى «اكتيۆ باعاسىنا ەمپيريكالىق تالداۋ» جۇرگىزگەنى ءۇشىن الەمگە ايگىلى سىيلىقتى يەلەنگەن بولاتىن. ونىڭ بۇل ەڭبەگى نارىقتاعى ۇزاق مەرزىمدى ترەندتەردى انىقتاۋداعى ماڭىزدى كومپونەنتتەر سانالادى.

islam.kz