قىتاي بلوگەرلەرىنە قازاقستاندا نە ۇنادى؟ - فوتو
ولاردىڭ ايتۋىنشا، قىتايداعى حالىقتىڭ كوپشىلىگى قازاقستاندى گەوگرافيا مالىمەتتەرى ارقىلى تانيدى. سونداي-اق، ديماش تۋرالى، استانا فۋتبول كلۋبى تۋرالى جاقسى بىلەدى.
9 كۇن ىشىندە ولار استانا، بۋراباي، الماتى قالاسىندا بولعان. اتاپ ايتقاندا، شىمبۇلاق، مەدەۋ، كوكتوبە، كوك بازاردا بولدى. سونىمەن قاتار، ءۇشقوڭىردا پاراپلانمەن ۇشىپ، شارىن شاتقالىنىڭ تابيعاتىن تاماشالادى.
«قازاقستانعا قايتا ورالۋدىڭ بىرنەشە سەبەبى بار. اسەم تابيعات، اشىق ادامدار، سالت-ءداستۇر، ءدامدى تاعام، جىلقىنىڭ ەتى. ءبىز وسىندا ءالى تالاي كەلەمىز»، - دەدى بلوگەر شيان فان.
قىتايلىقتار پانفيلوۆ داڭعىلىنداعى ناۋرىز مەرەكەسىن تاماشالادى. كورشى ەلدەن كەلگەن قوناقتار قازاقستانعا كەلۋدىڭ پروبلەمالارىن دا اتاپ ءوتتى.
«نەگىزگى قيىندىق ۆيزا العاندا تۋىندايدى. ەكىنشىدەن، كوشەدە اعىلشىن تىلىندە اقپارات از. قوعامدىق ورىنداردا دارەتحانا از»، - دەدى شيۋي ياۋگۋي.
قىتايلىق بلوگەرلەر الماتىنىڭ قىسقى وليمپيادانى وتكىزۋدەگى مۇمكىندىگىن جوعارى باعالادى.
«ارينە قىتايدا رەسۋرس كوپ. الايدا، الماتىنىڭ تابيعاتى تازا. ماعان ءبىزدىڭ تاۋلاردان گورى شىمبۇلاق ۇنادى»، - دەدى گو چەن.