قايرات نۇرتاس ءوزىنىڭ Instagram پاراقشاسىندا كونسەرتكە كەلگەن قاۋىمعا العىس ءبىلدىرىپ، كوپتەن بەرى بالا- شاعاسىن حالىققا تانىستىرۋدى ارمانداعانىن جەتكىزدى، دەپ حابارلايدى Baq.kz ءتىلشىسى.
ايتا كەتەيىك، قايرات نۇرتاستىڭ جەكە ءومىرى جانە وتباسى جايلى مالىمەتتەر ون جىلدان استام ۋاقىت بويى قۇپيا بولىپ كەلگەن ەدى. كوپشىلىك ونىڭ وتباسى، بالالارى تۋرالى حاباردار بولعانىمەن، بۇل تۋرالى رەسمي تۇردە ايتىلماي كەلگەن.
«كوپتەن بەرى بالا- شاعامدى حالىققا تانىستىرۋ ارمانىم ەدى. مەنىڭ دە اكە بولىپ بالالارىممەن ماقتانعىم كەلەدى. 10 جىل بويى وتباسىمدى جاسىرۋ ماعان وڭاي تيگەن جوق. قانشاما اۋىر سوزدەر ەستىپ، نەگىزسىز كىنا تاعىلدى. وسىنىڭ بارلىعىنا نۇكتە قويىلعانىنا ريزامىن. كەشىمىزدىڭ جوعارى دەڭگەيدە وتۋىنە اتسالىسقان رەجيسسەر- پوستانوۆشيك، مەنىڭ ديرەكتورىم ميرا كەلىمبەتوۆاعا (.. .) ۇلكەن ريزاشىلىعىمدى بىلدىرەمىن!» ، - دەدى قايرات نۇرتاس.
ال، بۇعان دەيىن دە كونسەرتتەردە ءجيى ءان سالىپ، ونەر كورسەتىپ جۇرگەن ءانشىنىڭ اكەسى نۇرتاس ايداربەكوۆ ءار نارسەنىڭ ءوز ۋاقىتى بار دەپ ايتقان بولاتىن.
«قۇداي قالاسا نەمەرەلەرىمنىڭ شىعاتىن ۋاقىتى كەلدى. ءومىرىمنىڭ جالعاسى، قۇدايدىڭ بەرە سالعاندارىن حالىق ۇزاق كۇتكەن سياقتى. ءار نارسەنىڭ ءوز ۋاقىتى بار. التىندارىم ءتىل- كوزدەن امان بولىپ، كونسەرتتى ابىرويمەن وتكىزسەك بولعانى» ، - دەدى نۇرتاس ايداربەكوۆ.
ءانشىنىڭ اناسى ءارى پروديۋسەرى گۇلزيرا ايداربەكوۆا كەلىنى جۇلدىز ابدۋكارىموۆانى 2017 -جىلى قازاندا وتكەن «ارمان.. .» اتتى فيلمنىڭ تانىستىرىلىمىندا عانا ەل الدىنا الىپ شىعىپ تانىستىردى.
ال، جۇلدىز ابدۋكارىموۆا بولاشاق جولداسىمەن قالاي تانىسقانىن، وسى ۋاقىتقا دەيىن قۇپيا ءومىر سۇرۋگە قالاي شىداپ كەلگەنىن جانە ەكى ۇل، ەكى قىزدارىنىڭ بار ەكەنىن مالىمدەدى.
«بىزگە ءجيى قويىلاتىن: "قايدا؟ قالاي تانىستىڭىزدار؟ " - دەگەن سۇراققا قىسقاشا جاۋاپ بەرۋگە تىرىسايىن. 2004 -جىل.. .كۇز.. . جاڭا وقۋ جىلى.. . رەتسك.. . قايرات - ۆوكال بولىمەندە، ال مەن - اكتەر بولىمەندە وقىپ جۇرگەن كەزىمىز. ءبىر- ءبىرىمىزدى سىرتتاي ءبىلىپ جۇرگەنىمەن، ارنايى تانىس بولعان ەمەسپىز. ءبىر اي بويى كوزبەن عانا تانىسىپ، ءبىر- ءبىرىمىزدى باقىلاپ جۇردىك. ءبىراق، مەن ونى كورگەن سايىن، جۇرەگىم ەرىكسىز جىلىپ، ءجۇزىم جايناپ، ىشكى جان دۇنيەم ەزىلە قالاتىن. الايدا، سانام بۇل سەزىمدەردى قابىلدامايتىن، مىنەزىم دە سەزىمدەرگە ەرىك بەرمەيتىن، جىگىتتى مەنسىنبەيتىن، وزىمە دە، وزگەگە دە قاتال جۇلدىز بولاتىنمىن. تۋۋۋ، نە دەيدى، جۇلدىز حانىم، - ءوزىن ءبىر سۇلۋۋۋمىن دەي مە؟ !. سوندا دا، بويجەتكەننىڭ جىگىتكە سەزىمىن ءبىرىنشى ەش ۋاقىتتا بىلدىرمەۋ كەرەك دەگەن، قاعيدا سانامدا ابدەن ءسىڭىپ قالعان. قازان ايىنىڭ شۋاقتى كۇنىندە، اسحانادا، تۇسكى اسىمدى الىپ تۇرعان كەزىمدە، قايراتتى جوعارعى كۋرستىڭ ءبىرى (وزدەرىنىڭ سيستەماسى بويىنشا) ، قاسىققا جۇمساعانىن قۇلاعىم شالىپ قالدى. سول ستول باسىندا، ءوزىمنىڭ دە توپتاستارىمنىڭ وتىرعانىن بايقاپ، قاسىقتى قايراتتان بۇرىن، ءوزىمنىڭ تاقتايشاما قويىپ الىپ، «ءوزىم اپارىپ بەرەمىن» - دەدىم دە، ءبىر جىميىپ، جانىنان ءوتىپ كەتە باردىم. قايرەكەڭ تۇرعان بويدا، ارتىمنان قاراپ، ءۇنسىز قالا بەردى.. . سول ەكى ارادا، كوزدەرىمىز توعىسىپ، ورتامىزدان ءبىر ۇشقىن ۇشىپ وتكەن ءتارىزدى.. . قۇددى ءۇندى كينوداعىداي بولدى. مەنى ەڭ ءبىرىنشى رەت كورگەن كەزىندە دە، سول ءۇندى اكتريسالارىنىڭ بىرىنە ۇقساتقانىن جاسىرمادى. العاشقى تانىستىعىمىز وسىلاي باستالىپ ەدى.. .) ) ) ەڭ ءتاتتى، تازا ءارى الاڭسىز ءومىرىمىزدىڭ باستاماسى دەپ بىلەمىن. جالپى، ەكەۋمىزدىڭ ستۋدەنتتىك كەزىمىز قىزىعى مەن قاتار شىجىعىنا دا تولى بولاتىن» ، - دەدى جۇلدىز ابدۋكارىموۆا.