ق ر پرەزيدەنتى ۆلاديمير پۋتينگە كەمەروۆوداعى قايعىلى وقيعاعا بايلانىستى كوڭىل ايتتى
14:29, 26 - ناۋرىز 2018
استانا. قازاقپارات - مەملەكەت باسشىسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى، دەپ حابارلايدى «قازاقپارات» ح ا ا اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى كەمەروۆو قالاسىنىڭ ساۋدا جانە ويىن-ساۋىق ورتالىعىنداعى ءورت سالدارىنان كوپ ادامنىڭ قازا تاپقانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنىڭ قايعىسىنا ورتاق ەكەنىمدى جەتكىزۋىڭىزدى سۇرايمىن.
زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك بىلدىرەمىن»، - دەلىنگەن جەدەلحاتتا.