وڭىردەگى قۇتقارۋشىلار شىعىس قازاقستان وبلىسىنا اتتاندىرىلۋدا - فوتو
«قاردىڭ كۇرت ەرۋى سالدارىنان بولعان سۋ تاسقىنى زارداپتارىن جويۋعا، سونداي-اق اۆاريالىق-قۇتقارۋدى جۇرگىزۋگە جانە باسقا دا كەزەك كۇتتىرمەيتىن جۇمىستاردى ورىنداۋ ءۇشىن الماتى وبلىستىق ت ج د- نىڭ جەكە قۇرامى شىعىس قازاقستان وبلىسىنا اتتاندىرىلدى. قۇتقارۋشىلار 15 موتوسورعى، رەزينا قايىقتار، سۇڭگۋىر كيىمى مەن الپينيستىك جابدىقتار، سپۋتنيك تەلەفوندارى، GPS ناۆيگاتورلار مەن ترەكەرلەرمەن جاراقتاندىرىلعان»، - دەلىنگەن حابارلامادا.
سونىمەن قاتار، مامانداردا گيدراۆليكالىق قۇرال-جابدىقتار، قۇتقارۋ دوڭگەلەكتەرى مەن كەۋدەشەلەرى بار.
قۇتقارۋشى جابدىقتاردىڭ اراسىندا - موتورلى قايىقتار، جانارماي قورى، موتورلى كەسەتىن ارالار، سۋ ايدايتىن موتوسورعىلار، قۇتقارۋ كەۋدەشەلەرى، سۇڭگۋىر جابدىقتارى، ازىق- تۇلىك قورى، راديو-سپۋتنيك بايلانىس قۇرالدارى مەن قۇتقارۋشىلاردىڭ اۆتونومدى جاتىن ورىندارى بار.
بىلىكتى قۇتقارۋشىلار مەجەلەنگەن جەرگە جول تاڭدامايتىن تەحنيكامەن اتتاندى.